رێڤهبهرێ ناحییا چهمانكێ دیاركر، دهست ب چێكرنا پرۆژێ جووت سایدێ ناحییا چهمانكێ یا سهر ب قهزا ئامێدییێ ڤه هاتهكرن و د چارچۆڤێ ڤى پرۆژهیدا دێ چهندین باخچه و دوكان و جهێن بێنڤهدانێ ل سهر ڤى جووت سایدى هێنه چێكرن.
ئیسماعیل حهمید، رێڤهبهرێ ناحییا چهمانكێ بۆ ئاژانسا خانى راگههاند، دهست ب چێكرنا جووت سایدێ چهمانكێ هاتهكرن، پرۆژه ل قووناغا دهستپێكێ یه و درێژاهییا وێ نێزیكى ئێك كیلومهترێ یه، زێدهترى دوو ملیار دیناران ژلایێ حكومهتا ههرێما كوردستانێڤه بۆ چێكرنا ڤى جووت سایدى هاتینه تهرخانكرن، رێڤهبهرییا گشتییا باژێرڤانییا پارێزگهها دهۆكێ سهرپهرشتییا پرۆژهى دكهت و ب سهر پرۆژهیێن پارێزگهها دهۆكێ و قائیممقامییا قهزایا ئامێدییێ ڤهیه، ئهو دوێ باوهرێدانه پرۆژه دێ ماوێ كێمتر ژ سالهكێ هێته بجهئینان.
ههروهسا ئیسماعیل حهمیدى گوت: ل دهوروبهرێن جاددهیێ دێ پارك و جهێن بێنڤهدانێ و شێوازهكێ دوكانان ههبن، نوكه كار ل سهر دیزانێ دوكانان دكهن، ههر تشتهكێ پێدڤى دێ ل سهر ڤێ جاددهیێ ههبیت و دێ جاددهیهكا مودێرن و ب رێك و پێك هێته چێكرن.
زێدهتر ئاشكراكر، وان پلان و بهرنامهیێن خوه بۆ قووناغێن بهێن دارێتینه، لێ نوكه ئهو زیانێن لافاوێن ڤێ دووماهییێ چارهسهردكهن و رێژهیهكا باش یا وان ئاریشهیێن ژ ئهگهرێ لافاوان وهكو كارهب و ئاڤ و جاددهیان دروستبووین هاتینه چارهكرن، كو گهلهك جادده هاتبوونه گرتن لێ جارهكا دى هاتینه ڤهكرن، هندهك سۆلینێن ئاڤێ هاتبوونه گرتن و نوكه كار ل سهر ڤهكرنا وان دهێتهكرن،بۆ ڤێ چهندى ژى ههماههنگى دگهل رێڤهبهرییا ئاڤا ئامێدییێ ههیه، ههروهسا رێڤهبهرییا سهخبیركرنا رێك و پران ژى ل ئامێدییێ دگهل وان یا هاریكاره، رێڤهبهرییا ناحییا چهمانكێ ههماههنگییهكا باش دگهل ههموو سازییێ، خزمهتگوزارى ل سهر ئاستێ قائیممقامییا قهزا ئامێدییێ و پارێزگهها دهۆكێ ههیه كو ب شێن ب زووترین دهم ئهو زیانێن ب خهلكى كهڤتین چارهسهر بكهن.
