ب ئامادەبوونا د.سالار عوسمان، بەرپرسێ پشکا ڕەوشەنبیری و ڕاگەهاندنێ و د.هەڤال ئەبوبەکر، پارێزگارێ سلێمانییێ و سەعید سەلیم پشدەری، بەرپرسێ لقێ چار و ژمارەیەک ژ ڕەوشەنبیر و هزرمەند و هونەرمەند و ڕۆژنامەڤان و کەسایەتییێن دیار، د ڕێوڕەسمەکێ ژ هەژیدا، ئۆفیسا سلێمانییێ یا پشکا ڕەوشەنبیری و ڕاگەهاندنا پارتی دیموکراتی کوردستان هاتە ڤەکرن.
ل دەستپێکێ د.سالار عوسمان، بەرپرسێ پشکا ڕەوشەنبیری و ڕاگەهاندنا پارتی دیموکراتی کوردستان ئاماژە ب وان هزران کر یێن کو بۆ ئۆفیسا سلێمانییێ هەین و دیارکر:”ئەم دشێین هەمی پێکڤە ب گیانێ ئێکڕێزیێ خزمەتا وەلاتێ خۆ بکەین.”
گۆتژی:”ئێک ژ هزران دەرخستنا گۆڤارەکێ یە، کو ئەو گۆڤارە دێ خزمەتەکا زۆر د ئەڤێ قۆناغا نوکە دا پێشکێشی هزرا ڕوناکبیرییا کوردی کەت، هەڤدەم ڤەکرنا خولێن شیاندان و ڕاهێنانپێکرنێ د بوارێن ڕەوشەنبیری و میدیایی و پەروەردەی و زمان و بوارێن دی ژی، دێ کار و چالاکییێن ئەڤێ ئۆفیسێ بن.”
هەر د وێ مەڕاسیمێ دا، د.هەڤال ئەبوبەکر، پارێزگارێ سلێمانییێ پەیڤەک پێشکێشکر و بناڤێ پارێزگەها سلێمانییێ پیرۆزباهی ل ڤەکرنا ئۆفیسا سلێمانییێ یا پشکا ڕەوشەنبیری و ڕاگەهاندنا پارتی دیموکراتی کوردستان کر.
گۆتژی:”ئەز گەلەک کێم دچمە هەلکەڤت و سالڤەگەرێن حزبی، بتنێ بۆ وان هەلکەڤتان نەبیت کو ب ڕێیا چالاکی و نڤیسینگەهان و بەرنامەیێن حزبی کو خزمەتەکێ بۆ بەرژەوەندییا گشتی و ئاشتییا جڤاکی و پێکڤە ژیان و ئێکدوو قەبوولکرن دکەن، کو ئەڤ ئۆفیسە پشکەکە ژ ئەوان.”
پاشی هەر ئێک ژ هونەرمەند و نڤیسەران، یاسین قادر بەرزنجی و حەمە ڕەشید هەرەس و خەلات عۆمەر، پەیڤێن خۆ بهەلکەڤتا ڤەکرنا ئۆفیسا سلێمانییێ یا پشکا ڕەوشەنبیری و ڕاگەهاندنا پارتی پێشکێشکرن.”
مەرەم ژ ڤەکرنا ئەڤێ ئۆفیسێ، گرنگیدانا زێدەترە ب بوارێ ڕەوشەنبیری و میدیایی و کلتوری و ئەدەبی و هونەری، هەڤدەم بو ئەنجامدانا چەندین پرۆژەیێن دییە.
پاشی دەستە گولێن پیرۆزباهییێ ژ سەندیکا و کۆمەلە و ناڤەندێن ڕەوشەنبیری و میدیایی و هونەری هاتنە پێشکێشکرن و هیڤییا سەرکەفتنێ بۆ ئۆفیسا سلێمانییێ یا پشکا ڕەوشەنبیری و ڕاگەهاندنا پارتی دیموکراتی کوردستان خواستن.
