چاڤدێرەک: ھەلبژارتنێن تورکییا بۆ کوردان د گرنگن

ئاژانسا خانی ” تایبەت:

چاڤدێرەکێ سیاسی دیار کر، ھەلبژارتنێن تورکییا بۆ کوردان د گرنگن و ئەو سۆزێن ب کوردان ھاتینەدان ئەگەر ئۆپۆزسیۆن سەربکەڤیت و بھێنە بجهئینان رەوشا کوردان دێ کەڤیتە د قوناغەکا دی دیتر دا.

ھیوا سەید سەلیم، چاڤدێرێ سیاسی بۆ ئاژانسا خانی دیارکر” ھەلبژارتنێن تورکییا کاریگەری ل سەر کوردان هه‌یه‌، چونکی نوکە دیاربوو ھەلبژارتنێن تورکییا زێدەتر بووینە پرسەکا نێڤدەولەتی و ئەمریکا ژی دخوازیت ئۆپۆزسیۆن سەربکەڤیت، یا خویایە دو ئاراستە ل تورکییا ھەنە ھەدەپێ پشتی 2015ێ سیاسەتا خوە گۆھۆڕییە و نوکە وەک بەرێ نینە، بەلێ لایەنێ بەرامبەر دبێژن” ئەم بەرھەڤین ئاریشا کوردان ل پەرلەمانی چارەسەر بکەین.

ناڤهاتی گۆت ژی” کورد نوکە بووینە ھژمار ل تورکییا و شیاینە ئەو بەربەستا بەرێ بشکێنن و زۆر تشت بێی کوردان ناھێنە کرن ل تورکییا، ئەو سۆزێن ب کوردان ھاتینەدان ئەگەر نیڤا وان بھێنە بجهئینان پشتی ھەلبژارتنان ئەزێ پشت ڕاستم دێ پرسا کوردی ل تورکییا کەڤیتە قووناغەکا دیتر و ئەڤێ چەندێ ژی دێ کاریگەری ل سەر کوردان هه‌بن.