سەرۆکاتییا هەرێما کوردستانێ ده‌ربارەیی کۆمبوونا ئەڤرۆ یا جڤاتا وەزیران راگه‌هاندنه‌ك به‌لاڤكر

سەرۆکاتییا هەرێما کوردستانێ ده‌ربارەیی کۆمبوونا ئەڤرۆ یا جڤاتا وەزیران هیڤی خواست ببیته‌ ده‌ستپێک و پێنگاڤه‌ک بۆ چاره‌سه‌ركرنا كێشێن ناڤخۆیی یێن ديتر یێن هەرێما کوردستانێ.‌

ئه‌و ژی گۆتییه‌: خۆشحالين ب‌ كۆمبوونا ئه‌ڤرۆ یا جڤاتا وه‌زيران یا هه‌رێما كوردستانێ ب پشكدارییا تيما وه‌زاريیا ئێكه‌تییا نيشتمانی كوردستان ل‌ حكومه‌تێ، هيڤیدارين ئه‌ڤه‌ ببیته‌ ده‌ستپێک و پێنگاڤه‌ک بۆ چاره‌سه‌ركرنا كێشێن دیتر یێن ناڤخۆیى یێن هه‌رێما كوردستانێ.

گۆتییه‌ ژی” ئه‌ڤرۆ ژ هه‌ر ده‌مه‌كی پتر هه‌رێما كوردستانێ پێدڤى ب كۆده‌نگىیێ و ئێكرێزییێ و ته‌ڤايیێ هه‌يه‌.

سه‌رۆكاتییا هه‌رێما كوردستانێ ته‌كه‌ز كرییه‌” وه‌کو هه‌رده‌م دێ د‌ كار و بزاڤێن به‌رده‌وام دا بیت بۆ چاره‌سه‌ركرنا هه‌موو كێشان ب‌ دانوستاندن و لێك تێگه‌هشتن و دێ پشته‌ڤانییێ ل‌ هه‌ر پێگاڤه‌کێ كه‌ت كو ببیته‌ ئه‌گه‌رێ‌ ب هێزبوونا پێگه‌هێ هه‌رێما كوردستانێ.