د. ئاراس عه‌بدوللا: د ھەلبژارتنێن تورکییا دا کورد نەشییان ئارمانجێن خوە بدەستڤە بینن

ئاژانسا خانی ” تایبەت:

شرۆڤەکارەکێ سیاسی ئاشکرا کر، کورد نەشیاینە د ھەلبژارتنێن تورکییا دا ئارمانجێن خوە بدەستڤە بینن و دبێژیت، ھەڤپەیمانییا ھاتا دێ ھەلبژارتنێن سەرۆک کۆمارێ تورکییا ئێکلا کەت و رەجەب تەیب ئەردۆغان دێ سەرکەڤیت.

د. ئاراس عەبدوللا، شرۆڤەکارێ سیاسی بۆ ئاژانسا خانی دیارکر” ھەردو ھەڤپەیمانی یێن تورکییا بۆ دیارکرنا سەرۆک کۆماری رێژا دەنگێن وان نێزیکی ئێکە، بەلێ پێشبینی دھێتە کرن شانسێ رەجەب تەیب ئەردۆغانی زێدەتر بیت ل گەڕا دویێ سەربکەڤیت و ببیتە سەرۆک کۆمارێ تورکییا، چونکی ھەڤپەیمانیا ھاتا و سینان دۆغان نێزیکی مه‌هه‌پێ نه‌ و کاریگەری ل سەر ھەنە ھەتا پێشبینی دھێتە کرن رێکكەفتن دناڤبەرا وان دا بھێتە کرن و ئه‌و بابەتێ سەرۆک کۆماری ئێکلا بکەن.

ناڤهاتی گۆت ژی: ڤێ جارێ ژی کورد ل تورکییا نەشییان ب شێوەکێ دروست یارییێ بکەن و پێدڤی بوو ھەدەپه‌ نەچیتە دناڤا وێ ھەڤپەیمانییێ دا، مادەم ھەدەپە نەشییا ئارمانجێن خوە بدەستڤە بینیت و ببیتە یاریکەرێ ئێکلاکرنا ھەلبژارتنێن تورکییا ئەڤە ھەپڤەیمانییا ھاتا دێ رۆلەکێ مەزن ھەبیت بۆ ئێکلاکرنا ھەلبژارتنا سەرۆک کۆماری کو بڕیارە ٢٨ی گوڵانێ گەڕا دویێ یا ھەلبژارتنا سەرۆک کۆمارێ تورکییا بهێته‌ كرن.