<h3 style="text-align: justify;"><span style="font-size: 18pt;">رێڤه‌به‌رێ گشتییێ چاندنێ ل دهۆكێ راگه‌هاند، وان پێشنیاز كرییه ل رۆژا 25ێ ڤێ هه‌یڤێ ل سنۆرێ پارێزگه‌ها دهۆكێ ده‌ست ب درینا گه‌نمێ ئه‌ڤ ساله یێ جۆتیاران بهێته‌كرن.</span></h3> <h3 style="text-align: justify;"><span style="font-size: 18pt;">ئه‌حمه‌د جه‌میل رێڤه‌به‌رێ گشتییێ چاندنێ ل دهۆكێ بۆ ئاژانسا خانى دیاركر، وان پێشنیاز كرییه ل رۆژا 25ێ ڤێ هه‌یڤێ ل سنۆرێ پارێزگه‌ها دهۆكێ ده‌ست ب درینا گه‌نمێ ئه‌ڤ ساله یێ جۆتیاران بهێته‌كرن، به‌رگرییا شارستانى و هه‌موو لایه‌نێن په‌یوه‌ندیدار بۆ ده‌ستپێكرنا ئه‌ڤێ پرۆسه‌یێ د به‌رهه‌ڤییه‌كا تمامدانه، خالێن تیمێن ئاگرڤه‌مراندنێ هاتینه ده‌ستنیشانكرن، و هه‌ر لایه‌نه‌ك دێ ب كارێ خوه رابیت.</span></h3> <h3 style="text-align: justify;"><span style="font-size: 18pt;">زێده‌تر رێڤه‌به‌رێ گشتییێ چاندنێ ل دهۆكێ ل دۆر بهایێ گه‌نمى كو بۆ هه‌ر ئێك ته‌نا گه‌نمى 850 هزار دینار هاتینه‌دانان ئاشكراكر، ئه‌ڤ بهایه گه‌له‌ك یێ گۆنجایه و جۆتیار ژێ درازینه و پشتى راده‌ستكرنا گه‌نمى ئێكسه‌ر دێ پاره‌یێ خوه وه‌رگرن، جۆتیارێن سێمێل، ئامێدى و قه‌زا دهۆكێ دێ گه‌نمێ خوه به‌نه سایلۆیێن فه‌یدییێ، هه‌روه‌سا جۆتیارێن شێخان، ئاكرێ و به‌رده‌ره‌ش دێ گه‌نمى به‌نه شێخان، دبیت پرۆسه‌یا درینا گه‌نمى هه‌تا دوو هه‌یڤان ب ڤه‌كێشیت.</span></h3>
