بریاره‌كا نوو ل دۆر پشكا خوارنا هه‌یڤانه‌ دێ هێته‌ بجهئینان

وه‌زاره‌تا بازرگانییا عیراقێ روونكرنه‌كێ ل دۆر بریارا جڤاتا وه‌زیرێن حكومه‌تا فیدرال بۆ راگرتنا پشكا خوارنێ یا پشكه‌كا وه‌لاتییان دده‌ت.

محه‌مه‌د حه‌نون په‌یڤدارێ وه‌زاره‌تا بازرگانییا عیراقێ بۆ ئاژانسا نووچه‌یێن عیراقێ راگه‌هاند، بریارا جڤاتا وه‌زیران بۆ راگرتنا پسووله‌یا پشكا خوارنێ په‌یوه‌ندى ب وان كه‌سانڤه‌ هه‌یه‌ یێن مووچه‌یێ وان یێ هه‌یڤانه‌ دوو ملیۆن دینارن یان زێده‌تره‌.

حه‌نونى گوت ژى: وه‌زاره‌تێ نڤیساره‌ك ئاماده‌كرییه‌ و دێ ره‌وانه‌ى وه‌زاره‌تێن په‌یوه‌ندیدار كه‌ت بۆ بجهئینانا بریارا سه‌رۆكوه‌زیرێن عیراقێ، داكو پشكا خوارنێ بۆ وان خێزانان ئاماده‌ بكه‌ن یێن مووچه‌یێ وان ژ دوو ملیۆن دیناران كێمتر.

په‌یڤدارێ وه‌زاره‌تا بازرگانییا عیراقێ دووپاتكر، هه‌ر بازرگانه‌كێ ناڤێ وى د تۆمارا كۆمپانییاندا هاتبیته‌ تۆماركرن، دێ چیته‌ دگه‌ل بریارا لێبرین یان راگرتنا پسوله‌یا پشكا خوارنێ و هه‌مان پێنگاڤ بۆ نوشدار و ئه‌ندازیار و ده‌رمانسازان دێ هێته‌ هاڤێتن.