ئه‌تله‌تیكۆ مه‌درید دێ قوتابخانه‌ و سه‌نته‌رێن سپۆرێ ل هه‌رێما كوردستانێ ڤه‌كه‌ت

یانه‌یا ئه‌تله‌تیكۆ مه‌درید یا ئسپانى دێ چه‌ند پرۆژه‌یه‌كێن گرنگ دبوارێن ساخله‌مى و سپۆرێدا ل هه‌رێما كوردستانێ بجهئینیت.

محه‌مه‌د شوكرى سه‌رۆكێ ده‌سته‌یا وه‌به‌رهێنانێ دگه‌ل ئایدن ئۆستان نوونه‌رێ حكومه‌تا هه‌رێما كوردستانێ ب وه‌كاله‌ت ل ئسپانیا كۆمبوو.

د دیدارا واندا به‌حسا كارێ هه‌ڤپشك و هه‌ماهه‌نگییا دناڤبه‌را ده‌سته‌یا وه‌به‌رهێنانێ و نوونه‌رایه‌تییا حكومه‌تا هه‌رێما كوردستانێدا ل وه‌لاتێ ئسپانیا هاته‌كرن، كو وه‌به‌رهێنه‌ر و كۆمپانییێن وى وه‌لاتى پالبده‌ت وه‌به‌رهێنانێ ل هه‌رێما كوردستانێ بكه‌ن.

بریاره‌ ل پاشه‌رۆژێ ژماره‌یه‌كا وه‌به‌رهێنه‌رێن ئسپانیا ب رێكا نوونه‌رایه‌تییا حكومه‌تا هه‌رێما كوردستانێ دسێكته‌رێن ساخله‌مى و سپۆرێدا وه‌به‌رهێنانێ هه‌رێما كوردستانێ كاربكه‌ن، دێ چه‌ند قوتابخانه‌ و سه‌نته‌رێن سپۆرێ ب مه‌ره‌ما راهێنانان ڤه‌كه‌ن كو دێ ژلایێ ئه‌تله‌تیكۆ مه‌دریدێڤه‌ سه‌رپه‌رشتى لێ هێته‌كرن.