مه‌سرور بارزانى : وه‌لاتى پێگیرییێ ب دانا رسووماتان بكه‌ن، دێ كاره‌با 24 ده‌مژمێرى دابین كه‌ین

سه‌رۆكوه‌زیرێن هه‌رێما كوردستانێ داخوازێ ژ وه‌لاتییان دكه‌ت پێگیرییێ ب دانا پاره‌یێ كاره‌با نیشتیمانى بكه‌ن و گوت : ئه‌گه‌ر وه‌لاتى د ده‌مێ خوه‌دا پاره‌ى بده‌ن، حكومه‌ت دێ كاره‌با 24 ده‌مژمێرى دابین كه‌ت.

مه‌سرور بارزانى سه‌رۆكوه‌زیرێن هه‌رێما كوردستانێ ل هه‌ولێرێ به‌رێ بنیاتى بۆ پرۆژه‌یه‌كێ به‌رهه‌مئینانا كاره‌بێ دانا كو ب هێزا رۆژێ كار دكه‌ت و گوت: پلانا حكومه‌تێ زێده‌تر خزمه‌تكرنا وه‌لاتییانه‌ و ئه‌و پشكه‌كن ژ خه‌لكى.

سه‌رۆكوه‌زیرێن هه‌رێما كوردستانێ ئاماژه‌ ب هندێ ژى دا، نوكه‌ خه‌لك بۆ دابینكرنا كاره‌بێ په‌نایێ د به‌نه‌ به‌ر موه‌لیده‌یێن ئه‌هلى، حكومه‌تێ به‌رنامه‌ هه‌یه‌ كو ب بهایه‌كێ كێمتر و ئه‌ركه‌كێ كێمتر كاره‌با 24 ده‌مژمێرێ دابین بكه‌ت و وه‌لاتى ئاگه‌هداركرن كو ئه‌گه‌ر ئه‌و پاره‌یێ دده‌نه‌ موه‌لیده‌ى، ژ وى كێمتر بده‌نه‌ حكومه‌تێ دێ كاره‌با 24 ده‌مژمێرى دابین كه‌ن.