سهرۆكێ حكومهتا ههرێما كوردستانێ پێشوازى ل نوونهرێ ژمارهیهكا كۆمپانییێن ئهلمانی كر، حهزا ههرێما كوردستانێ بۆ پێشڤهبرن و بهێزتركرنا پهیوهندییان دگهل ئهلمانیا و مفاوهرگرتن ژ ئهزموونا پێشكهڤتى یا وى وهلاتى دبوارێ پیشهسازیدا دووپاتكر.
مهسرور بارزانى سهرۆكێ حكومهتا ههرێما كوردستانێ پێشوازى ل شاندهكێ پێكهاتى ژ نوونهرێ ژمارهیهكا كۆمپانییێن ئهلمانى كر و د كۆمبوونهكێدا دانوستاندن دهربارهى پێشڤهبرنا وهبهرهێنانێ و پهیوهندییێن بازرگانى دناڤبهرا ههرێما كوردستانێ و ئهلمانیادا هاتهكرن.
سهرۆكوهزیران مهسرور بارزانى كورتییهك دهربارهى چاكسازییێن كابینهیا نههێ یا حكومهتا ههرێما كوردستانێ دبوارێن ههمهجۆركرنا ئابوورى و ئاسانكاریكرن بۆ وهبهرهێنهران و نههێنلانا بیرۆكراسییێ و دیجیتالكرنا خزمهتگوزارییێن گشتیدا خواند.
ههروهسا سهرۆكێ حكومهتا ههرێما كوردستانێ سوپاسى و پێزانین بۆ پشتهڤانییا سهربازى یا ئهلمانیا ل ههرێما كوردستانێ ژ چارچووڤێ ههڤپهیمانییا نێڤدهولهتی بۆ رووبرووبووونا داعشێ دهربرین، حهزا ههرێما كوردستانێ ژى بۆ پێشڤهبرن و بهێزتركرنا پهیوهندییان دگهل ئهلمانیا و مفاوهرگرتن ژ ئهزموونا پێشكهڤتى یا وى وهلاتى دبوارێ پیشهسازیدا دووپاتكر.
شاندێ بازرگانى و نوونهرێ كۆمپانییێن ئهلمانیا ئاماژه ب رۆلێ گرنگێ ههرێما كوردستانێ ل دهڤهرێ دا و ئامادهییا خوه بۆ پێشڤهبرنا كار و چالاكی و وهبهرهێنانێ ل ههرێما كوردستانێ نیشاندا.
