ھێزەکا سەربازییا عێراقێ کەمپا مەخموور یا تایبەت ب کوردێن باکوور دۆرپێچ کرییە و خەلکێ دناڤا کەمپا مەخموور ژی رێگرییێ ل ھێزێن عێراقی دکەن.
ژێدەرەکی ل قەزا مەخموور بۆ ئاژانسا خانی دیارکر” ئەڤرۆ ھێزەکا سەربازییا عێراقێ دەوروبەرێن کەمپا مەخموور دۆرپێچ کرییە و بزاڤان دکەن دەوروبەرێن کەمپێ بھێتە سیمه کرن و ب کۆنکرێتی بھێتە گرتن، بەلێ ئاکنجیێن ناڤا کەمپی رێگری ل ھێزێن عێراقی کرینە و رێکێ نادەن کەمپا مەخموور بھێتە دورپێچ کرن ژلایێ ھێزێن عێراقێ ڤه.
وی ژێدەری گۆت ژی” حوکمەتا عێراقێ یا رژدە ل سەر کۆنتڕۆلکرنا کەمپا مەخموور و ھەتا نوکە ژی ھێزێن سەربازی ل دەروبەرێن کەمپێ ھاتینە جھگیر کرن ب مەرەما گرتنا رێکێن کەمپێ.
کەمپا مەخموور دکەڤیتە سەنتەرێ قەزا مەخموور و ژلایێ پەکەکێ دھێتە برێڤەبرن و ب ناڤێ کەمپا شەھید رۆستەم جودی و ناھێلن چو دەزگەھەکێ حوکمەتێ و رێکخراوێن بیانی ژی بچنە دناڤا کەمپی و ھندەک خالێن سەربازی ژی ل ھنداڤی کەمپی داناینە.ش
