وەزارەتا ناڤخۆیا حکو‌مەتا ھەرێما کوردستانێ ب رێکا کۆمبوونەکێ رەزا‌مەندی دا ل سەر وان ترومبێلێن کو تا نوکە گۆمان و کێشە ھەنە و داخواز دکەن کو خودانێن وان ببەن بۆ رێڤەبەرییا ھاتن و چوونێ بۆ مەبەستا پشکنینێ.
ل دووڤ نڤیسارەکێ یا وەزارەتا ناڤخۆ کو ل ٤-١-٢٠٢١ێ دەرچووبوو کو ئاراستەی ھەردوو رێڤەبەریێن گشتی یا گومرکێ و ھاتنوچوونێ ھاتییە کرن، ھژمارەکا خالان بۆ چارەسەرکرنا کێشەیێن پێشانگەھێن فرۆشتنا ترومبێلان و بازرگانان دیارکرینە .
ھەروەسا د خالەکادی دا ئەو چەندە ژی دیارکرییە کو ئەگەر ھەر چ ژ وان ترومبێلان ژ برگا ١ێ ژ پشکنینان دەرنەچوو، دێ ئێکسەر رەوانەی لێژنا پشکنینا دووێ کەن بۆ مەرەما دوبارە پشکنینێ.
وەزارەتێ دوپاتکرییە ژی، ل دەمێ دەرنەچوون ژ پشکنینا لێژنا دووێ، ترۆمبێل و زانیاری دێ ھێنە تومارکرن و سزایێن گیرووبوونێ د تومارکرنێ دا دێ ھێتەراگرتن ھەتاکو چارەنڤیسێ وان پشتی ھینگێ بھێتە ئیکلاکرن، و چو ترومبێلەک ژی ل دەمێ دەرنەچوونێ ژ پشکنینان دەست ب سەردا ناھێتەگرتن تاکو چارەنڤیسێ وان بھێتە ئیکلاکرن.
