ل وه‌لاتێ فره‌نسا ئینتەرنێت بۆ زارۆك و سنێلان دێ هێته‌ سنۆردار كرن

جڤاتا پیرێن فرەنسا پڕۆژه ‌قانوونه‌ك به‌رهه‌ڤكرییه‌ و تێدا داخواز كرییه كو‌ ب كارئینانا ئینتەرنێتێ بۆ کەسێن ژیێ وان ل ژێر 15 سالییێ دا بهێتە سنۆردار کرن.

لدووڤ وی ره‌شنڤیسێ جڤاتا پیرێن فره‌نسا، هه‌ر زارۆكه‌ك یان سنێلەکێ ل ژێر 15 سالییێ دابیت و بێ رازیبوونا داىك و بابێن خۆ نه‌شێت تۆرێن جڤاكى و هژمارا تایبه‌ت بۆ خۆ دروست بكه‌ت.

هه‌روه‌سا دیار كرییه‌” ئه‌و کەسێن ژیێ وان ل ژێر 15 سالییێ دابیت” دێ هێنه‌ نەچار كرن مۆله‌تێ ژ دایك و بابێن خۆ وه‌ریگرن هه‌تاكو ئەکاونتێن وان ل پلاتفۆرێن تۆرێن جڤاكى بهێنه‌ تۆمار كرن و هه‌ر كه‌سێ ل ژێر 15 سالییێ دابیت” هه‌كه‌ هژماره‌كێ بۆ خۆ دروست بكه‌ت و دایك و بابێن وی د ئاگه‌هدار نه‌بن، هژمارا وى دێ هێته‌ راگرتن.