نڤیسینگەها ڕاگەهاندنا سەرۆکێ جڤاتا نوونەرێن عیراقێ د ڕاگەهاندنەکێدا بەلاڤکریە، ئەڤرۆ چارشەمبی، محەمەد حەلبووسی ب ئامادەبوونا سەرۆک و ئەندامێن لژنێ سەرۆکایەتیا کۆمبوونا لژنا دارایی یا جڤاتا نوونەرێن عیراقێ کر و گۆتوبێژ ل سەر وان بەندێن کو د پڕۆژە یاسایا بودجەیا گشتی یا فیدڕالی دا ماین کر و گەهشتنە بووچوونەکا ڕوهن وەک ئامادەکاری بۆ بلندکرنێ بۆ جڤاتا نوونەران و دیارکرنا ڕوونشتنا دەنگدانێ ل سەر بودجەیێ.
د کۆمبوونێدا سەرۆکێ جڤاتا نوونەرێن عیراقێ ڕاگەهاند، ئەڤ بودجەیە چ کێمتر نینە ژ بودجەیێن پێشتر، بەلکۆ گرنگترە، ب وی ئەگەری کو بۆ دەمێ سێ سالایە دگەل چاڤ خشاندنێ د خشتەیێ سالانە دا.
گۆتژی:” پێدڤیە لەز د تمامکرنا و پەسەندکرنا پڕۆژە یاسایا بودجەی دا بهێتە کرن.”
