وەزارەتا کارەبێ ڕاگەهاندیە، ویستگەهەکا 400 کەی ڤی و هێلەکا 400
کەی ڤی ب درێژاهیا 17 کیلۆمەتران بۆ گڕێدانا کارەبا تورکیا و هەرێما کوردستانێ و عیراقێ ب شیانا 1000 مێگاواتێن کارەبێ و مەزاختنا 10 ملیۆن دۆلاران ل زاخۆ هاتە بجهئینان.
دیارکریە، بۆ جارا ئێکێ یە ویستگەهەکا ب ئەڤی قەبارەیێ مەزن و پێشکەڤتی ل هەرێما کوردستانێ دهێتە بجهئینان.
وەزارەتا کارەبێ ئاماژە کریە، فەرەیدون محەمەد، شیرەتکارێ وەزارەتا کارەبێ و فارس میرخان، ڕێڤەبەرێ گشتییێ ڤەگۆهاستنێ و شاکر مەحموود، ڕێڤەبەرێ گشتی یێ کارەبا دهۆکێ بۆ ئامادەکارییێن ڤەکرنا ویستگەهێ و چارەسەرکرنا ئاریشەیان سەرەدانا پڕۆژەی کرن.
