لەیلا عەبدولجەبار: پاشخستنا ھەلبژارتنان دێ كارتێكرن ل سەر ھەرێمێ ھەبیت

ئەندامەکا فڕاکسیۆنا پارتی ل پەرلەمانی َکوردستانێ ئاشکراکر، پارتی زۆرینەیێ بۆ پرسێن نیشتیمانی بکار دئینیت و دبێژیت: پاشخستنا پرۆسا ھەلبژارتنان دێ كارتێكرن ل سەر ھەرێما کوردستانێ ھەبیت.

لەیلا عەبدولجەبار، پەرلەمانتارا فڕاکسیۆنا پارتی ل پەرلەمانێ کوردستانێ بۆ ئاژانسا خانی دیارکر، بڕیارا کاراکرنا کۆمسیۆنا ھەلبژارتنێن ھەرێما کوردستانێ کەڤتییە دبیاڤێ بجهئینانێدا، ژبه‌ركو ھەر بڕیار و قانوونەکا ل رۆژناما وەقائیع ھاتە بەلاڤکرن دێ کەڤیتە د بیاڤێ بجهئینانێدا، کاراکرنا کۆمسیۆنێ ژی پشتی ل رۆژناما فەرمی ھاتییە بەلاڤکرن دھێتە بجهئینان.

لەیلا عەبدولجەبار گۆتژی: ئەرکێ ھەموو لایەنێن سیاسیە ل ھەرێما کوردستانێ رێگرییێ ل ھەر بزاڤه‌كێ بۆ پاشخستنا پرۆسا ھەلبژارتنان بکەن ، ژبه‌رڤ ڤێ جارێ ھەلبژارتن د دەمێ خوە نەھێنە كرن، دێ كارتێكرنێن گه‌له‌ك خراپ ل سەر ھەرێما کوردستانێ ھەبن، له‌وما پارتی زۆرینەیا خوە بۆ پرسێن نیشتیمانی بکارئینایە و ل سەر كرنا ھەلبژارتنێن ئەڤسالە یا رژدە.