ھەڤپەیمانییا ئیدارەدانا دەولەتێ لدۆر بودجەیی دێ کۆم بیت

ئاژانسا خانی: تایبەت

بڕیارە سوبەهی دوشەمبی ھەڤپەیمانییا ئیدارەدانا دەولەتی ل عێراقێ کۆمببیت و پەرلەمانتارەکێ پارتی ژی ئاشکرا کر، ئەڤا ھاتییە کرن ژلایێ لژنا دارایی ب چ ره‌نگان ناھێتە قەبوولکرن و پارتی یا رژدە ل سەر بجهئینانا رێکكەفتنا پێشتر.

خدر مەنتک، پەرلەمانتارێ فڕاکسیۆنا پارتی ل پەرلەمانێ عێراقێ بۆ ئاژانسا خانی دیارکر” بڕیارە سوبەهی ھەڤپەیمانییا ئیدارەدانا دەولەتی ل عێراقێ کۆمببیت و ئێک ژ مژارێن کۆمبوونا ھەڤپەیمانییا ئیدارەدانا دەولەتێ گوتوبێژکرنا مادێن ناڤا پڕۆژە قانوونا بودجێ عێراقێیە، چونکی ئەو گۆھۆڕینا لژنا دارایی ئەنجامدایی نەخاسمە ل مادێن 13 و 14 جھێ قەبوولکرنێ نینە ژلایێ ھەرێما کوردستانێ و پێدڤییە بھێنە راستڤەکرن و ھەمان ئەو دەق بھێتە ناڤا ھۆلا پەرلەمانی بۆ دەنگدانێ یاکو ژلایێ حوکمەتێ ڤە ھاتییە ھنارتن بۆ پەرلەمانی.

ناڤهاتی گۆت ژی” فڕاکسیۆنا پارتی ب توندی ئەو گۆھۆڕین رەتکرینە و ھەموو بزاڤەکێ ژی دکەین جارەکا دی ئەو پیلان ل دژی ھەرێما کوردستانێ سەر نەگرن، چونکی رێکكەفتن ھاتییە کرن دناڤبەرا ھەرێم و بەغدا ل سەر پشکا ھەرێما کوردستانێ ھەر گۆھۆڕینەک تێدا بھێتە کرن دێ کاریگەری لسەر رێکكەفتنا ھەرێم و بەغدا ھەبیت، پارتی پشکداری د  کارناما حوکمەتێ دا کرییە ب مەرجەکی داخوازێن ھەرێمێ تێدا بھێنە جھگیر کرن.