ده‌مێ چوونا كاروانێ ئێكێ یێ حه‌جییان ژ‌ عێراقێ بۆ سعوودییه‌ هاته‌ دیار كرن‌

ده‌سته‌یا بلندا حه‌ج و عومرێ ل عێراقێ ئاشكرا كر” كو ل رۆژا سێشه‌مبی كاروانێ ئێكێ یێ حه‌جی یێن عیراقێ د ئه‌ڤ ساله‌ دا دێ بۆ مالا خودێ برێكه‌ڤن ب مه‌ره‌ما ئه‌نجامدانا فه‌ریزه‌یا حه‌جێ.

هه‌روه‌سا گۆتییه‌: ل رۆژا سێشه‌مبییا بهێت 30 گولانێ دێ كاروانێ ئێكێ یێ حه‌جی یێن عێراقێ ب رێیا فڕۆكخانا نێڤده‌وله‌تییا به‌غدا به‌ره‌ف فڕۆكخانا میر محه‌مه‌د بن عه‌زیز ل‌ باژێرێ مه‌دینه‌ برێكه‌ڤن و چوونا حه‌جییان بۆ مالا خودێ دێ ب رێیا ئه‌سمانی و ب رێیا شه‌ش فڕۆكخانان هێته‌ ئه‌نجامدان ئه‌و ژی‌ فرۆكخانێن هه‌ولێر، سلێمانی، كه‌ركووك، به‌غدا، نه‌جه‌ف و به‌سره‌، هه‌روه‌سا رۆژانه‌ دێ پێنج گه‌شتێن فرۆكان‌ هێنه‌ ئه‌نجامدان.