جوان عەبدوللا، پەرلەمانتارا فڕاکسیۆنا پارتی ل جڤاتا نوونەرێن عیراقێ بۆ ئاژانسا خانی ڕاگەهاند، حکومەتا بەغدا ل سالا 2014ێ بودجە و مووچەیێ وەلاتییێن ھەرێما کوردستانێ بڕیە و ئەرکێ حکومەتا عیراقێیە جارەکادی پاشەکەفتێ مووچەی ڤەگەڕینیت، هەروەسا پێدڤییە ئەو ھێز و ئالیێن داخوازا ڤەگەڕاندنا پاشەکەفتێ مووچەی دکەن ئەڤێ داخوازێ ئاراستەی بەغدا بکەن.
جوان عەبدوللا دیاركر، پێدڤیە ھەمی ئالی گڤاشتنان بکەنە سەر حکومەتا عیراقێ بۆ ئەڤ چەنده بھێتە چارکرن و ب ئەرکێ خۆ ڕابیت بۆ ڤەگەڕاندنا پاشەکەفتێ مووچەیێ فەرمانبەرێن ھەرێما کوردستانێ، ئەم وەکی پارتی ژی ڕژدین لسەر ڤەگەڕاندنا مووچەیێن ھاتینە پاشەکەفت کرن و ب مافێ قانوونییێ فەرمانبەران دزانین.
