مەسرور بارزانی، سەرۆکێ حکومەتا هەرێما کوردستانێ پەیامه‌كا سەرەخۆشییێ به‌لاڤکر و دیار كر: “ب داخ و خەمه‌كا زۆرڤە، د. بێوار خنسی شیره‌تکارێ سەرۆک وەزیران بۆ کاروبارێن وزێ و ژێده‌رێن سروشتی وه‌غه‌ر کر”.
گۆت ژی: د. بێوار شارەزایەكێ زۆر یێ کارامە و لێهاتی بوو دبیاڤێ خوه دا، نڤیسەر و ڤه‌كۆله‌ره‌كێ ناسیار و خودانێ چەندین کتێب و بەرهەمێن ب بهابوو د بیاڤێ وزێ و نەفتێ دا و نموونەیا مرۆڤه‌كێ دلسۆز و خەمخۆر بوو د کار و ئەرکێن خۆ دا”.
مه‌سرور بارزانی دبێژیت ژی: د ڤێ هه‌لكه‌فتا خەمگین دا، پرسە و سەرەخۆشییێ ل بنەمال و کەس و کارێن وی و هه‌موو هه‌ڤکار و دۆستێن وی دکەم، خودایێ میهرەبان گیانێ وی ب بەهەشتێ شاد بکه‌ت و ئارامییێ بده‌ته هه‌موویان.
