حکومەتا هەرێما کوردستانێ ڕاگەهاندیە، وەزارەتا باژێڕڤانی و گەشت و گوزارێ د بەرژەوەندییا گشتی یا وان هەڤپشکێن کو پیڤەرێ ئاڤێ نە گرێدای، بڕیارا لێخۆشبوونێ ژ پشکەکا زۆر یا کرێیا گرێدانا پیڤەرێ ئاڤێ دا و بڕیار ژی تا 21 خزیرانا 2023 دێ یا بەردەوام بیت.
ئاماژە کریە ژی، ل گۆرەی ئامارەکا ڕێڤەبەرییا گشتی یا ئاڤ و ئاڤڕێژان ل وەزارەتا باژێڕڤانی و گەشتوگوزارێ، ژمارەیا هەڤپشکێن ئاڤێ ل هەرێما کوردستانێ ئێک ملیۆن و 30 هزار و 408 هەرڤپشکن، ب گشتی ڕێژەیا گرێدانا پیڤەری تا نوکە گەهشتیە 82% و بڕیارا لێخۆشبوونێ ژی تا 20 ڕۆژێن دی دێ ل گشت باژێر و باژێرکێن هەرێما کوردستانێ یا بەردەوام بیت.
دیارکریە، کرێیا گرێدانا پیڤەری ل ناڤەندێن پارێزگەهان بۆ 20 هزار دیناران داشکاندن بۆ هاتیە کرن و ل قەزا و ناحیە و کۆمەلگەهان و ئەو جهێن کو پێدڤینە پیڤەر لێ بهێنە گرێدان بۆ 10 هزار دیناران داشکاندن بۆ هاتیە کرن.
فەرمانگەهــ و ڕێڤەبەرییێن ئاڤێ داخواز ژ هەڤپشکێن ئاڤێ یێن کو پیڤەر نە گرێدای دکەن، هندی دەرفەت هەبیت سەرەدانا وان بکەن و مامەلەیێن لێخۆشبوونێ ل کرێیا گرێدانا پیڤەری بڕێڤەببەن.
