د. فوئاد حسێن : ژ من وه‌رگرن ئاریشه‌یێن بودجه‌ى دێ هێنه‌ چاره‌سه‌ركرن

پشتى كۆمبوونا دگه‌ل سه‌رۆكێ دادگه‌ها فیدرالى، وه‌زیرێ ده‌رڤه‌ یێ عیراقێ دیاركر، ژ من وه‌رگرن، ئاریشه‌یێن تایبه‌ت ب پشكا هه‌رێما كوردستانێ د پرۆژه‌ قانوونا بودجه‌یدا دێ هێنه‌ چاره‌سه‌ركرن.

د. فوئاد حسێن وه‌زیرێ ده‌رڤه‌ یێ عیراقێ د داخویانییێن رۆژنامه‌ڤانیدا پشتى كۆمبوونا دگه‌ل سه‌رۆكێ دادگه‌ها فیدرالى ئاشكراكر، ئه‌وى وه‌كو وه‌زیرێ ده‌رڤه‌ دگه‌ل سه‌رۆكێ دادگه‌ها فیدرالى ئاخڤتییه‌ و به‌حسا ره‌وشا ناڤخۆ یا عیراقێ كرییه‌ و ل دۆر پشكا هه‌رێما كوردستانێ د بودجه‌یا عیراقێدا ئاشكراكر، ئاریشه‌یێن تایبه‌ت ب پشكا هه‌رێما كوردستانێ دێ هێنه‌ چاره‌سه‌ركرن.

سه‌باره‌ت بریارا دادگه‌ها بلندا فیدرالییا عیراقێ یا نه‌ده‌ستوریكرنا قانوونا ژماره‌ 12 یا درێژكرنا ژییێ خۆلا پێنجی یا په‌رله‌مانێ كوردستانێ دیاركر، پشتى ب نه‌قانوونى ناساندنا درێژكرنا ژییێ په‌رله‌مانى، ئه‌گه‌ر په‌رله‌مان نه‌مینیت ژى،  حكومه‌ت دڤێت هه‌تا ده‌مێ هه‌لبژارتنان یا به‌رده‌وام بیت، ئاماژه‌ ب هندێ ژى دا، ل دووڤ بریارا دادگه‌ها فیدرالى، كۆمیسیۆنا بلندا هه‌لبژارتنێن عیراقێ دێ سه‌رپه‌رشتییا هه‌لبژارتنێن هه‌رێما كوردستانێ كه‌ت.