ل دووڤ نڤیسارەکا رێڤەبەریا بانکا چاندنێ ل پارێزگەھا دھۆکێ کو سەر ب وەزارەتا دارایی و ئابووری یا حکومەتا ھەرێما کوردستانێ ڤەیە ل دۆر وەرگرتنا قەرێن چاندنێ ژ جۆتیاران، دەمێ وەرگرتنا قەران ھاتە درێژکرن وەک ھاریکاری بۆ تەخا جۆتیاران.
ھشیار محسن جەبار، رێڤەبەرێ بانکا چاندنێ ل پارێزگەھا دھۆکێ بۆ خانی نیوز گۆت: وەک پشتەڤانی بۆ تەخا جۆتیارێن کوردستانێ، دەمێ جوتیار قەرێ خوە ل سەر ئێک ددەت ب رێژا ١٥% دھێتە ئازاکرن.
رێڤەبەرێ بانکا چاندنێ ئاشکراکر، سالێن بووری ١٨٩٦ جۆتیار مفا ژ قەرێن چاندنێ وەرگرتییە، حکومەتا ھەرێما کوردستانێ ژی پتر ژ ٥٠ ملیار دیناران وەک قەر بۆ پرۆژێن چاندنێ یێن جودا بۆ جۆتیاران تەرخانکرینە و ھەتا نھا نێزیکی ٢٥ ملیار دیناران بۆ حکومەتێ ھاتینە ڤەگەراندن.
خانی نیۆز، سالار محەمەد دۆسکی:
