ژێدەرەکی ژ جڤاتا نوونەرێن عیراقێ بۆ ئاژانسا خانی ڕاگەهاند، پێشبینی دهێتە کرن کۆمبوونێ ئەڤرۆ یا دەمژمێر 1:00 نیڤرۆ بهێتە پاشئێخستن بۆ ئێڤاریا ئەڤرۆ یان ئەڤ شەڤە.
دیارکر ژی، پاشئێخستنا کۆمبوونی ژبەر ئامادەکاریان بۆ برێڤەچوونا کۆمبوونا جڤاتا نوونەران بۆ دەنگدان لسەر بڕگەیێن مای یێن پڕۆژەیاسایا بودجێ ئەگەرەکێ زۆرە.
وی ژێدەری دەربارەی ڕێککەفتنێ دناڤبەرا پارتی و ئێکەتییێ دا گۆت:”پارتی و ئێکەتی ب تنێ ل سەر خالا نەهێ ژ ماددا 14 د ناکوکن و تانوکە ڕێککەفتن ل سەر نەهاتیە کرن.”
دهێتە زانین، شەڤا بووری پەرلەمانێ عیراقێ دەنگدان بۆ پشکەک ژ ماددێن پڕۆژە یاسایا بودجێ هاتە کرن و بڕیارە ئەڤرۆ پشتی نیڤرۆ دەنگدان بۆ ماددێن مای ژی بهێتە کرن.
