سەرۆک وەزیرێن عێراقێ گۆت، دێ پێداچوونێ د وان برگە و مادان دا کەین یێن كو د بۆدجەیی دا ھاتینه راستڤهكرن، بۆ هندی داكو بزانین ههتا چەند ل گەل دیتن و بەرنامێن حکومهتێ دا د گۆنجاینە.
محەمەد شیاع سوودانی زێدهتر دبێژیت: ئەو بۆدجهیێ کو جڤاتا وەزیران ل 13 ی ئادارا بوری دەنگ ل سەر دایی، ب گرنگیڤە دابینکرنا پێدڤی یێن سەرەکی یێن وهلاتییان لبەر چاڤ گرتینە، ھەروەسا حکومەت بزاڤان دكهت داخوازی یێن وهلاتییان بجهـ بینیت، ب تایبەتی د بجهئینانا پڕۆژێن خزمەتگوزاری، دوبارە ئاڤەدانکرن و ژێرخانا ئابووری.
گۆت ژی” د پێشکێشکرنا بۆدجهیێ سێ سالان دا، تهكهزی ل سەر دیتنا روونا چاکسازییێ کرییە کو د بەرنامێ حکومهتێ دا هاتییه پەسەند کرن و گۆت: د چارچۆڤێ پەسەندکرنا بۆدجەیی دا، دێ گاڤێن گرنگ بۆ بجهئینانا ئەوان پڕۆژان هاڤێژین یێن كو ل سەردەمی کابینێن بهری نوكه دا نههاتینه تەمام کرن.
سەرۆک وەزیرێن عێراقێ، محەمەد شیاع سوودانی دیار كر ژی، دێ پێداچوونێ د وان برگە و مادان دا کەین یێن كو د بۆدجەیی دا ھاتینه راستڤهكرن، بۆ هندی داكو بزانین ههتا چ راده ل گەل دیتن و بەرنامێن حکومهتێ دا د گۆنجاینە.
