د. هێمن هەورامی، ئەندامێ مەکتەبا سیاسی یا پارتی دیموکراتی کوردستان د چوارچوڤێ کۆمبوونەکێدا دگەل شاندێ یونامی دوپاتی ل سەر ئەنجامدانا هەلبژارتنان کر
ئەڤرۆ ڕۆژا دووشەمبی 12 خزیرانا 2023، د.هێمن هەورامی، ئەندامێ مەکتەبا سیاسی یا پارتی دیموکراتی کوردستان پێشوازی ل لۆڕێنس لیو جێگرێ ڕێڤەبەرێ کاروبارێن سیاسی یێن یونامی ب هەڤپشکییا ڕێڤەبەرێ پشکا سیاسی یا یونامی لێنارت نیکۆلای کر.
د دیدارەکێدا، هەردوولا دوماهی پێشهاتێن سیاسی یێن هەرێما کوردستانێ و عیراقێ گۆتوبێژکرن.
د. هێمن هەورامی باس ل گرنگییا ئەنجامدانا هەلبژارتنێن داهاتی یێن پەرلەمانێ کوردستانێ وەک پایەکا سەرەکی یا دیموکراسیا کوردستانێ و بجهئینانا مافێ دەنگدانێ یێ خەلکی کر.
هەروەسا دکتۆر هێمن هەورامی و لیو هزر و بیر دەربارە رۆلێ پشتەڤانییا یونامی د گەلەک بواراندا و بتایبەت پەیوەندییێن بەردەوام یێن جڤاکێ نێڤدەولەتی دگەل هەرێما کوردستانێ و عیراقێ لێکگۆهارتن.
