د. كازم فاروق، ئەندامێ پێشتر یێ فراكسیۆنا نەوەی نوێ ل پەرلەمانێ كوردستانێ د تومارەکا ڤیدیۆییدا ڕادگەهاندیە:”مەترسی ل سەر ژیانا من نە مایە، دێ هەمی نهێنی و بەلگە و ڕاستییان بلاڤکەم.”
گۆتژی:”پشتی سالەکێ ژ وەرگرتنا چارەسەرییێ، سوپاس بۆ خودێ دکتورێن من ل ئوردن ئەز ئاگەهدار کرم کو مەترسی ل سەر ژیانا من نەمایە و ل دوو ڕۆژێن بهێتدا دێ دەرفەت ب من هێتە دان بۆ دەرکەفتنێ ژ نەخۆشخانێ، ئەوا د مینیت نشتەرگەریەکا هویرە کو هێشتا من بڕیار نەدایە کا دێ ل چ نەخۆشخانە و چ وەلاتەکی کەم.”
دیارکر ژی،” من ئاگەهی ژ هندەک بابەتان بوو، ب ڕاستی ژی من هزر د هندێدا کر کو ئەوێن هاتینە تیرۆرکرن و بووینە قوربانی خودێ ژێ ڕازی بیت، پشتی تیرۆرکرنا وانژی هندەک کەسان درەو و سیناریۆ ژی بۆ بەلاڤکرن، من هزر د هندێدا کر، پێدڤیە وان چ نهێنی و ڕاستەک دگەل خۆ بربنە بن ئاخێ، ئەرێ ئەگەر ئەوان 10 خولەکا دەرفەت هەبیت بۆ خەلکی باخڤن، دێ چ نهێنە و لێبورینەکێ بۆ مە باس کەن، چ نهێنی و ڕاستیەکێ باس کەن، بەلێ دیارە خودایێ مەزن نەهێلا ئەڤێ جارێ، ئەو دەستێ ڕەشێ خۆ وکی فریادڕەسێ خەلکی دایە نیاسین، سر و نهێنییا وی بچیتە بن ئاخێ، ئەگەر خودێ دەرفەتێ بدەت، پشتی ئەوێ نشتەرگەریا من، هەمی بەلگە و ڕاستی و نهێنییان دێ بۆ خەلکێ هەرێما کوردستانێ و ڕایا گشتی بەلاڤکەم، ل سەر ڤی بابەتی و هەمی وان بابەتێن دی یێن کو پێدڤیە خەلکێ کوردستانێ و ڕایا گشتی بزانیت.”
ئاماژە کر ژی:”من دڤێت سوپاسیا خەلکێ کوردستانێ بکەم یێن کو لاڤایێن خێرێ بۆ من کرین و دخوازم خودایێ مەزن لاڤایێن وان بخێر بنڤیسیت.”
د. کازم د بەردەوامیا ئاخفتنا خۆدا دبێژیت:”خودایێ مەزن ئەز هێلامە ساخ و نەهێلا نهێنییا وی دەستێ ڕەش یێ خۆ وەک فریادڕەسێ خەلکی د دا نیاسین بچیتە د بن ئاخێڤە.”
