ئه‌ندامه‌كێ لژنا دارایى ل په‌رله‌مانێ عیراقێ ژ فراكسیۆنا پارتى دیموكراتى كوردستان دیار كر: پرانییا مادێن پرۆژێ بودجێ عیراقێ ئه‌و بووینه یێن رێكکه‌فتن ل سه‌ر هاتییه كرن و گه‌له‌ك جاران هه‌ڤپشكێن وان ب شه‌ڤ و رۆژا نه ئێكن.
د. خه‌لیل غازى دۆسكى، زێدەتر بۆ ئاژانسا خانی دبێژیت: پشتى دەنگ ل سەر پرۆژێ بۆدجەیی هاتییه‌دان و بۆ قانوون و دێ چیته د بیاڤێ بجهئینانێ دا پشتى هه‌ردو وه‌زاره‌تێن دارایى و نه‌خشه‌دانانێ رێنمایێن تایبه‌ت ب ئه‌نجامدانا بۆدجەیی ڤە ده‌ردكه‌ن و ئه‌ڤه گه‌له‌ك ده‌مى ڤەناكێشیت، چه‌ند هه‌یڤێن كێم ماینه و ئه‌و پاره ناهێته مه‌زاختن و تایبه‌ت پارێزگه‌هێن باشوورێ عیراقێ و نه‌چالاكن به‌رۆڤاژى هه‌رێما كوردستانێ دشێت ده‌مه‌كێ دیارى كرى دا هه‌مى پرۆژێن خوه ئه‌نجام بده‌ت، هەروەسا رێژا 75% ێ پرۆژه تەشغیلییه و 25% پرۆژێن وەبه‌رهێنانێ نه و پشكا هه‌رێما كوردستانێ 67. 12% سه‌رجه‌مێ پرۆژه‌یى ناهێته هژمارتن به‌لكو ده‌ین و پارێن حاكیمه و ده‌ین دهێنه برین ولدووڤ دا رێژا هه‌رێما كوردستانێ دهێته هژمارتن.
ناڤهاتی گۆت ژى: بودجا تەشغیلى پێكدهێت ژ مووچەیی و كرینا كه‌ل و په‌لان و بودجێ وەبه‌رهێنانێ ئه‌ڤه نێزیكى 15 ترلیۆن دینارانە، ئانكو نێزیكى ترلیۆنه‌ك و 250 ملیار دینارانه، دیسا پشكا هه‌رێمێ ترلیۆنه‌ك و 350 ژ بودجا حاكیمه دهێت، كو پارێ كرینا گه‌نمى و ئه‌رزاقى و ده‌رمانان، دیسا 300 ملیار بۆ هێزێن پێشمه‌رگه‌یی وه‌ك مووچێ ساله‌كێ و كرینا كه‌ل و په‌لان و دناڤبه‌را 400 بۆ 500 ملیار دیناران بۆ گه‌شه‌پێدانا هه‌رێمایه، تێچوویێ ڤه‌گوهاستنا په‌ترۆلێ ئه‌و سیادى دهێته هژمارتن ئه‌م نه‌شێین پشكا هه‌رێمێ دیاربكه‌ین.
د. خەلیل غازی دۆسکی دیار کر ژى: گه‌له‌ك مادێن ناكوكى هه‌بوون به‌لكو نه ل سه‌ر قه‌بارێ پاران به‌لكو ل سه‌ر قه‌بارێ ده‌ستهه‌لاتێ و ده‌ستووریه‌تا هه‌رێما كوردستانێ و مادێن ئێك و 116 و 117 هه‌موو ڤى بابه‌تى ئێكلا دكه‌ن ڤه، بابه‌تێ گرنگ ئه‌و بوو ل خالا هه‌شتێ ژ مادێ (14)ێ كو هاتییه پێشنیاركرن ژلایێ ئێكه‌تییێ ڤه و لوبیه‌كێ شیعى و تایبه‌ت یێن توندره‌و ئارمانج ئه‌و بوو وى قه‌واره‌ى لاواز بكه‌ن لێ نه‌شییان ژبلى كو خاله‌كێ نه‌بیت و ئه‌و ژى ره‌نگه ب تانه‌كێ ئه‌و بابه‌تە بهێته راوەستاندن، ئه‌نجامدانا وى ژى ژ روویێ قانوونى ڤه نه‌یا ده‌ستوورىیه، پترییا ده‌نگان هاته سه‌پاندن، هەکە هه‌ردو حوكمه‌تێن هه‌رێما كوردستانێ و عیراقێ كار بكه‌ن دێ گه‌له‌ك ماده ژ بودجێ هێنه هه‌لگرتن، چونكهی مایتێكرن ل كارێ حوكمه‌تێ و دانانا ئاسته‌نگان ل كارێن حوكمه‌تێ دکەن، وه‌زیرا دارایى و سه‌رۆكێ وه‌زیران گۆتییه كو هه‌ر خاله‌كا رێگریێ ل پرۆگرامێ حوكمه‌تێ بكه‌ت دێ تانێ لێده‌ن و تێكده‌ن.
هێشتا دبێژیت: حوكمه‌تا هه‌رێما كوردستانێ چ هێجه‌ت بۆ به‌غدا نه‌هێلاینه و په‌ترۆل دێ ب رێیا سۆمۆ بیت و داهاتێ پەترۆلێ دێ هێته بانكا مه‌ركه‌زى و ده‌ست هه‌لاتێن سه‌رۆكێ حوكمه‌تا هه‌رێما كوردستانێیه ل دووڤ بۆدجا هه‌یڤانه پاره‌ى بكێشیت و ب مه‌زێخیت، ئه‌ڤ جاره كه‌سه‌ك نه‌شێت توهمه‌كێ بۆ هه‌رێمێ دروست بكه‌ت.
د. خه‌لیل غازى دۆسكى ئه‌و ژی گۆت: ڤێ جارێ رێكکه‌فتن دناڤبه‌را هه‌ردو حكومه‌تان دا هاتییه‌كرن و چاوانی یا سه‌رده‌ریكرنا هه‌ردو حکومه‌تان دبیاڤێ په‌ترۆل و بودجه‌یى دا و ئه‌گه‌ر ئه‌ڤ رێكکه‌فتنه نه‌با ره‌نگه دلژنا دارایى و شرۆڤه‌كرنا پرۆژه قانوونا بودجێ دا گه‌له‌ك كێشه دا بۆ مه دروست بن، هەروەسا هه‌ڤپشكێن مه‌یێن شیعى گه‌له‌ك جاران ب شه‌ف و رۆژ نه‌ئێكن و گه‌له‌ك جاران خوه ڤه‌دكێشن، ژبلى خالا 14 ێ ل مادێ هه‌شت پتریا مادێن هاتینه په‌سه‌ندكرن وه‌ك رێكکه‌فتنا هه‌رێم و به‌غدا بوون و مافێن هه‌رێمێ و قانوونى د پاراستینه و تبێبینییا مه ل سه‌ر خالا چاردێ ئه‌وه نه‌كو بیته نه‌ریته‌ك و بهێته ب کارئینان ل دژى هه‌رێمێ.
