دەمەكە بەڕێز عیماد باجەلان، د چاڤپێكەفتنێن خۆ دا دگەل دەزگەهێن ڕاگەهاندنێ گۆتن و شرۆڤەكرنێن خۆ وەك ڕایا پارتی دیمۆكراتی كوردستان نیشانددەت. ددەمەكی دا ڕایا پارتی ل سەر ڕوودان و ڕۆل و هەلسەنگاندنا كەسایەتی و هەر ڕەوشەكا دی مافێ هیچ كەس و ئۆرگانەكی نینە ژبلی پەیڤدارێ فەرمی یێ پارتی و ڕاگەهاندنێن مەكتەبا سیاسی. لەوما هەر چ تشتێ ناڤبری سەبارەت بەڕێز مالكی گۆتی دەربڕینێ ژ ڕایا پارتی ناكەت و بوچوونێن وی یێن كەسایەتی یە. داخواز ژ دەزگەهێن ڕاگەهاندنێ دكەین كو ڕا و شرۆڤەیێن تایبەت یێن شرۆڤەكاران و ڕاگەهاندكاران وەك ڕایا پارتی پێناسە نەكەن، بەلكو وەك ڕا و بوچوونێن كەسایەتی بناسینن.
مەكتەبا سیاسی یا پارتی دیمۆكراتی كوردستان
24/6/2023
