لژنێن فەرمی یێن پارێزگەها دهۆکێ دووڤچوونێن خۆ بۆ ئاریشێن پیشەسازییا ل پشت پێشانگەهێن دهۆکێ ب دوماهی ئینان و ژمارەکا بریاران دەرکر.
لدووڤ نڤیسارەکێ کو ئه‌ڤرۆ 25 ی خزیرانا 2023 ێ” ژ ئالییێ پارێزگەها دهۆکێ بۆ سەرۆکاتییا باژێرڤانییا دهۆکێ هاتییە هنارتن، بریار هاتییە دان” كو هەر دوکانەکا ل پیشەسازییا ل پشت پێشانگەهێن ترۆمبێلان ل دهۆکێ پشتی مێژوویا 17-8-2017ێ ناڤبر تێدا هاتبنە زێدە کرین، ئەو ناڤبر دێ هێنە لادان ب ڤی رەنگی:
هەر دوکانەکا ژ ئێک دوکان ببیتە دو دێ بیتە ڤە ئێک.
هەر دوکانەکا ب ناڤبران ببیتە 3 هه‌تا 7 دوکانان دێ بیتە 2 دوکان.
هەر دوکانەکا ب ناڤبران ببیتە 7 هه‌تا 12 دوکانان دێ بیتە 3 دوکان.
هه‌ر د وێ نڤیسارێ دا هاتییه: هەر پیشەکارەکێ ل پیشەسازییا ئالۆکا دوکان وەرگرتبیت، نابیت ل پیشەسازییا ل پشت پێشانگەهان کار بکەت و پێدڤییە بۆ پیشەسازییا ئالۆکا بهێتە ڤەگوهاستن.
