<h3 style="text-align: justify;"><span style="font-size: 18pt;">وه‌زاره‌تا داد یا عیراقێ راگه‌هاند، سوبه‌هى رۆژا دووشه‌مبى قانوونا بودجه‌یا گشتییا فیدرالى ل رۆژنامه‌یا فه‌رمییا وه‌قائیع دێ هێته به‌لاڤكرن، په‌رله‌مانتاره‌ك ژى دبێژیت، پشتى قانوونا بودجه‌ى ل رۆژنامه‌یێ دهێته به‌لاڤكرن، حكومه‌تا عیراقێ دی یا پێگیر بیت بجهبینیت و چ ده‌رفه‌ت بۆ لێڤه‌بوونێ نابیت.</span></h3> <h3 style="text-align: justify;"><span style="font-size: 18pt;">كامل ئه‌مین په‌یڤدارێ وه‌زاره‌تا داد یا عیراقی دیاركر، سوبه‌هى دووشه‌مبى قانوونا بودجه‌یا گشتى بۆ سالێن 2023، 2024 و 2025 دێ ل رۆژنامه‌یا فه‌رمییا وه‌قائیع هێته به‌لاڤكرن، ئاماژه ب هندی ژى دا دقانوونا بودجه‌یا گشتیدا دێ ل ئێكى هه‌یڤا ته‌مموزا 2023ێ چیته دبوارێ بجهئینانێدا.</span></h3> <h3 style="text-align: justify;"><span style="font-size: 18pt;">شه‌ریف سلێمان ئه‌ندامێ جڤاتا نوونه‌رێن عیراقێ بۆ ئاژانسا خانى دیاركر، ده‌مێ پرۆژه‌قانوونا بودجه‌ى ل رۆژنامه‌یا وه‌قائیع دهێته به‌لاڤكرن، حكومه‌تا فیدرالى دێ یا نه‌چار بیت بجهبینیت و چ ده‌رفه‌ت بۆ بجهنه‌ئینانا وێ نابیت.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، پشتى ل رۆژنامه‌یێ دهێته به‌لاڤكرن، پێشبینى دهێته‌كرن ب زووترین ده‌م پشكا هه‌رێما كوردستانێ ژ بودجه‌یا گشتییا عیراقێ بگه‌هیت.</span></h3>
