د ههیاما چەند رۆژێن بوری دا زانکۆیا “ناگبوور” یا هندستانێ دیار كربوو، حکومەتا عێراقێ 26 قوتابی دامەزراندینە، کو وانا خۆ وەکو دەرچوویێن زانکۆکا وان ناساندییە، د دهمهكی دا هەلگرێن “باوهرنامێن سهختەنه” و خواندنا خۆ تەمام نەکرییە.
وێ زانکۆیا هندستانێ گۆتییه ژی، ئەوان 26 قوتابییان د “باوهرنامێن خۆ یێن سهختە دا” خۆ وەکو دەرچوویێن سالێن 2020-2021 ێ ناساندینە، بهلێ ژ ئهگهرێ پهژیكا كۆرۆنایێ ل وی دهمی وان پڕۆسا خواندنێ راوەستاندبوو و ئەوان قوتابییان دەوام نەکرییە.
د. نەهلا ئهفهندی، ئەنداما لژنا خواندنا بلند ل پەرلەمانێ عێراقێ بۆ ئاژانسا خانی دیار كر: وان ئهو نووچه دناڤا تۆرێن جڤاكی دا دیتیيه و وان لژنەك بۆ لێکۆلینێ بۆ راستی و دروستییا وی بابەتی پێکئینایە و ههروهسا پشتی جەژنا قوربانێ” دێ دەست ب رێکاران كهن و پاشی دێ ئەنجامان بۆ رایا گشتی بهرچاڤ كهن.
