وه‌زیرێ به‌رگرییا عیراقێ : پێكئینانا لیوایا 20 یا هه‌ڤپشك د قانوونا بودجه‌یدا هاته‌ جهگیركرن

وه‌زیرێ به‌رگرییا عیراقێ رادگه‌هاند، پێكئینانا لیوایا 20 یا هه‌ڤپشك دناڤبه‌را له‌شكه‌رێ عیراقێ و هێزێن پیشمه‌رگه‌یدا د قانوونا بودجه‌یدا هاته‌ جهگیركرن.

سابت محه‌مه‌د عه‌باس وه‌زیرێ به‌رگرییا عیراقێ د پرێسكۆنفرانسه‌كیدا راگه‌هاند، پێكئینانا لیوایا 20 یا هه‌ڤپشك دناڤبه‌را له‌شكه‌رێ عیراقێ و هێزێن پێشمه‌رگه‌یدا، د قانوونا بودجه‌یا گشتییا عیراقێدا هاتییه‌ جهگیركرن و پشتى به‌لاڤكرنا وێ قانوونێ ل رۆژنامه‌یا وه‌قائع، دێ ب هه‌ماهه‌نگى و كاركرن دگه‌ل هێزێن پێشمه‌رگه‌ى لیوایا 20 هێته‌ پێكئینان.

گوت ژى : لیوایا 20 لیوایه‌كا تمام هه‌ڤپشكه‌ و ئێك ژ پێشنیازێن دناڤا بودجه‌یا گشتییا عیراقێدایه‌ و هاتییه‌ په‌سه‌ندكرن و چاڤه‌رێ دهێته‌كرن ل رۆژنامه‌یا وه‌قائع بهێته‌ به‌لاڤكرن، داكو ب هه‌ماهه‌نگى و كاركرن دگه‌ل هێزێن پێشمه‌رگه‌ى ئه‌و لیوایه‌ بهێته‌ پێكئینان.