<h3 style="text-align: justify;"><span style="font-size: 18pt;">جێگرێ دووێ یێ سهرۆكێ لژنهیا ئێمناهى و بهرهڤانییێ ل جڤاتا نوونهرێن عیراقێ راگههاند، پێكئینانا لیوایا 20 یا ههڤپشك دناڤبهرا لهشكهرێ عیراقێ و هێزێن پێشمهرگهیێ كوردستانێدا گههشتییه قووناغێن دووماهییێ و ل دهمهكێ نێزیك دێ ل رۆژنامهیا وهقائع هێته بهلاڤكرن.</span></h3> <h3 style="text-align: justify;"><span style="font-size: 18pt;">سهگڤان سندى جێگرێ دووێ یێ سهرۆكێ لژنهیا ئێمناهى و بهرهڤانییێ ل جڤاتا نوونهرێن عیراقێ بۆ ئاژانسا خانى دیاركر، پێكئینانا لیوایا 20 یا ههڤپشك دناڤبهرا لهشكهرێ عیراقێ و هێزێن پێشمهرگهیێ كوردستانێدا گههشتییه قووناغێن دووماهییێ، كو د. لهتیف رهشید سهرۆككۆمارى ئیمزا ل سهر كرییه، نوكه قانوونا پێكئینانا وێ لیوایێ ل بهر دهستێن محهمهد شیاع سوودانى سهرۆكوهزیرایه ئهوژى دێ ئیمزاكهت، دێ ههتا چار رۆژێن دى ل رۆژنامهیا وهقائع هێته بهلاڤكرن.</span></h3> <h3 style="text-align: justify;"><span style="font-size: 18pt;">ههروهسا گوت : ئهو لیوایه دێ ل دهڤهرێن ڤالاهییا ئێمناهى لێ كو دگههیته نێزیكى 40 كیلۆمهتران ژ حهمرینێ ههتا دیالا هێته دانان.</span></h3>
