ئیران : دڤێت هه‌رێما كوردستانێ روونكرنه‌كێ ل دۆر وه‌رگرتنا سیسته‌مێ به‌رگرییا ئاسمانى ژ ئه‌مریكا بده‌ت

ئیران دخوازیت هه‌رێما كوردستانێ روونكرنه‌كێ ل دۆر وه‌رگرتنا سیسته‌مێ به‌رگرییا ئاسمانى ل ئه‌مریكا بده‌ت.

ناسر كه‌نعانى په‌یڤدارێ وه‌زاره‌تا ده‌ڤه‌ر یا ئیرانێ دپرێسكۆنفرانسه‌كیدا ل دۆر پێدانا سیسته‌مێ به‌رگرییا ئاسمانى ب هه‌رێما كوردستانێ دیاركر، سه‌رنج و تێبینییێن ته‌هرانێ ل به‌رپرسیارییا حكومه‌تا ناڤه‌ندییا عیراقێنه‌، هه‌ڤده‌م دڤێت به‌رپرسێن هه‌رێما كوردستانێ ژى روونكرنه‌كێ ل دۆر وێ چه‌ندێ بده‌ن.

كه‌نعانى دبێژیت: دڤێت به‌رپرسێن هه‌رێما كوردستانێ و عیراقێ ئاگه‌هدارى به‌رپرسیارییێن خوه‌ و هه‌ستیاربوونا كارێن خوه‌ یێن گرێداى ئاسایشا سنۆرى و به‌رچاڤ وه‌رگرتنا سیاسه‌تا جیرانان بن.

ل دووڤ ئاخڤتنێن په‌یڤدارێ وه‌زاره‌تا ده‌رڤه‌ یا ئیرانێ، ته‌هران چ جاران باوه‌رییا خوه‌ ب ره‌وانگه‌هـ و كریارێن ئه‌مریكا نائینیت، ژبه‌ركو واشنتن به‌رژه‌وه‌ندییا خوه‌ د نه‌سه‌قامگیركرنا ده‌ڤه‌رێ و تێكدانا په‌یوه‌ندییێن وه‌لاتان دگه‌ل جیراناندا دبینیت.