ئەڤرۆ ل سەلاحەددین سەرۆك مەسعود بارزانی لگەل فڕاكسیۆنا پارتی دیمۆكراتی كوردستان ل پەڕلەمانێ كوردستانێ كۆمبوو.
د كۆمبوونێ دا سەرۆك بارزانی سۆپاسییا ڕۆل و ماندیبوونا ئەندامێن فڕاكسیۆنا پارتی كر و دەستخۆشی لێكر كو د ڤێ خۆلا پەڕلەمانێ كوردستانێ دا كارێن خۆ ب باشی ئەنجامداینە و پابەندی ئەركێن خۆ بووینە. داخواز ژی كر بەردەوام بن د ڕۆلێ خۆ دا د بوارێن جوداجودا دا و خزمەتا كوردستانێ و پارتی دیمۆكراتی كوردستان بكەن.
سەرۆك بارزانی دۆپاتی ژی ل وێ یەكێ كر كو پارتی ئومێدا ئێكێ یا خەلكێ كوردستانێ یە و پێدڤییە پارتی پارێزەرێ بەرژەوەندییێن خەلكێ كوردستانێ و فەرهەنگ و ڕەوشتێ بلند یێ كۆمەلگەها كوردی بیت.
د درێژییا گۆتنێن خۆ دا سەرۆك بارزانی ئاماژە ب بابەتێن ڕەوشا سیاسی یا كوردستانێ و دەڤەرێ و پەیوەندییێن هەرێما كوردستانێ و حكومەتا فیدڕال و چەندین تەوەرێن دی كر.
