دەستەیا گشتی یا وەبەرھێنانێ ل هه‌رێما كوردستانێ دیار كر، ئەڤ ساله وان موله‌ت دایه 30 پڕۆژێن وەبەرھێنانێ ل هه‌رێما كوردستانێ و هنده‌ك ژ وان پرۆژێن وه‌به‌رهێنانێ ل پارێزگه‌ها دهۆكێ ژی بووینه.
د. ھەڤال سه‌دیق، رێڤه‌به‌رێ مولەتدانێ ل دەستەیا وەبەرھێنانێ ل هه‌رێما كوردستانێ، بۆ ئاژانسا خانی گۆت: د ئه‌ڤ ساله دا هه‌تا نوكه دەستەیا گشتی یا وەبەرھێنانێ موله‌ت دایه 30 پرۆژێن وەبەرھێنانێ ل سەرانسەری ھەرێما کوردستانێ و هه‌موو ژی یێن وه‌به‌رهێنه‌رێن ناڤخۆیی بووینه” ژ وێ هژمارێ ژی ھەشت موله‌ت ژ وان بۆ پڕۆژێن کەرتێ پیشەسازی بووینە و ئەوێن دیتر ژی بۆ کەرتێن چاندنێ و گه‌شتییاری بووینه و سەرمایێ وان 30 پڕۆژێن ئەڤ ساله موله‌ت پێ هاتییه دان ژ لایێ دەستەیا گشتی یا وەبەرھێنانێ ڤه 600 ملیۆن دۆلارێن ئەمریکی بووینه و هه‌روه‌سا د ئه‌ڤ ساله دا كۆمپانی یێن بیانی ژی داخواز كرییه” كو پرۆژێن وه‌به‌رهێنانێ ل كوردستانێ ئه‌نجام بده‌ن.
ناڤهاتی” دیار كر ژی: ھێشتا دەست ب پێدانا موله‌تان بۆ پڕۆژێن ئاكنجیبوونێ نه‌هاتییه كرن و به‌لێ پلانه‌كا تایبەت ژ لایێ دەستەیا گشتی یا وەبەرھێنانێ ب ھەماھەنگی ل گەل لایەنێن پەیوەندیدارێن دیتر یێن گرێدایی پڕۆژێن ئاكنجیبوونێ ڤه هه‌یه” هه‌روه‌سا د ڤێ كابینێ دا سه‌رۆكێ حكومه‌تا هه‌رێما كوردستانێ ته‌كه‌زی ل هندێ كرییه” كو گرنگی ب كه‌رتێ پیشه‌سازی و چاندنێ و كه‌رتێ گه‌شتییاری بهێته دان” ژ پێخه‌مه‌ت ده‌ستێ كارێ نافخۆیی زێده بكه‌ین” ب تایبه‌تی ل وان جهێن كێم كار تێدا هه‌‌ین و دیسان ل پارێزگه‌ها ل دهۆكێ ژی ئه‌ڤ ساله هنده‌ك پرۆژێن وه‌به‌رهێنانێ هه‌بووینه و ئه‌و پرۆژێن هاتینه‌چێكرن ب شێوێ ئابووریا به‌رده‌وام بووینه و د هه‌مان ده‌مدا ده‌لیڤێن كاری ژی زێده‌بووینه.
