په‌یڤدارێ پۆلیسێن پارێزگه‌ها دهۆكێ راگه‌هاند، مه‌زنترین بازرگانێ ماده‌یێن بێهۆشكه‌ر ل سنۆرێ پارێزگه‌ها دهۆكێ و زاخۆ هاته ده‌سته‌سه‌ركرن.
هێمن سلێمان په‌یڤدارێ پۆلیسێن پارێزگه‌ها دهۆكێ دیاركر، پشتى فه‌رمانا گرتنی ژ دادگه‌هێ بۆ چار تومه‌تباران ل سه‌ر بازرگانیكرن و به‌لاڤكرنا ماده‌یێن بێهۆشكه‌ر ل سنۆرێ پارێزگه‌ها دهۆكێ ده‌ركه‌فتى، د ئوپەراسیونەکێدا ئاسایشا زاخۆ دگەل رێڤەبەریای بەرهنگاربوونا مادێن هوشبەر ل دهۆکێ ب هەڤکاری دگەل پۆلیسان شیان تومەتبارێ سەرەکی ل زاخۆ دەستەسەر بکەن، کو بازرگانەکێ مەزنێ ماده‌یێن بێهۆشكه‌ره.
ئاشكرا ژى كر، ل دەمێ ب جهئینانا فەرمانا گرتنێ دژی سێ تومەتبارێن دی، ئەو شیان ژ یاسایێ ب رەڤن، ب بزاڤ و ماندیبوونا هێزێن ئاسایشا نافخۆ، ل نێزیکترین دەم ئەو تومەتبارێن ماین ژی دێ هێنە دەستەسەرکرن.
