<h3 style="text-align: justify;"><span style="font-size: 18pt;">دهزگههێ خوارن و دهرمانان ل ئهمریكا دهرمانهكێ نوو بۆ زههایمهرێ پهسهندكر، كو دێ ب رێكا دهماران ب توشبوویان هێتهدان.</span></h3> <h3 style="text-align: justify;"><span style="font-size: 18pt;">دهرمان ژلایێ كۆمپانییا Eisai یا ژاپۆنیڤه دهێته بهرههمئینان و دێ ب ناڤێ Leqembi بهردهست بیت، شێوازێ كاركرنێ ژى ب جۆرهكییه كو خانێن مێشكى چالاكتر دكهت و نیشانێن نهخۆشییێ كێمتر لێ دكهت.</span></h3> <h3 style="text-align: justify;"><span style="font-size: 18pt;">پهسهندكرنا دهرمانى پشتى ئهنجامێ ڤهكۆلینهكێ دهێت، كو ل سهر ئێك هزار و 800 توشبوویان هاتییه تاقیكرن و دهركهڤتییه، پشتى پێنج ههیڤان ژ بكارئینانێ، شێوازێ ژیانا وان باشتر بوویه و نهرێكییا دهرمانان كێمتربوویه.</span></h3> <h3 style="text-align: justify;"><span style="font-size: 18pt;">ئهلێكساندهر سكۆت، جێگرێ سهرۆكێ كۆمپانییا بهرههمئینهر دبێژیت : ئهو دهرمانه ل سالا 2026ێ ب ههڤپشكى دگهل كۆمپانییا بایۆجینى یا بریتانى دێ كهڤیته بازارى.</span></h3> <h3 style="text-align: justify;"><span style="font-size: 18pt;">دهزگههێ FDA راگههاند، دهرمان دێ نیشانێن زههایمهرێ ل سهر توشبوویان كێمتر لێ كهت.</span></h3> <h3 style="text-align: justify;"><span style="font-size: 18pt;">تێریز بۆراكیۆ رێڤهبهرێ دهرمانان ل FDA دبێژیت : ئهڤ دهرمانه دشێت ب كێمترین كارتێكرن، پترین مفا بۆ توشبوویان ههبیت و شێوازێ ژیانا وان ب گوهۆریت.</span></h3> <h3 style="text-align: justify;"><span style="font-size: 18pt;">سهبارهت بهاى ژى ئاشكراكر، ئهگهر توشبوویێ زههایمهرێ د سالێدا دو جاران وى دهرمانى بكاربینیت، دێ بهایێ وى گههیته 26 هزار و 500 دۆلاران.</span></h3>
