رێڤەبەریا گشتی یا وەبەرهێنانێ ل پارێزگەها دهۆکێ ل گۆڕی یاسایا ژمارە (٤) یا ساڵا ٢٠٠٦ێ هاتییە دانان و هەتا نۆکە مۆلەت ب (٢٩٥) پڕۆژەیان ب سەرمایێ (7،600،360،240) حەفت ملیار و شەش سەد ملیون و سێ سەد و شێست هزار و دوو سەد و چل دۆلاران ژ سەکتەرێن جودا جودا هاتییە دان وه‌ك سەکتەرێن ( بازرگانی، گه‌شتیاری، پیشه‌سازى، چاندن، وەرزشی، بانكى، ئاكنجیبون، په‌روه‌ده‌يێ،ته‌ندروستى، سكته‌رێ خزمه‌ت گوزارى ) هاتینە دان و ل گۆڕی وێ یاسایێ سەرەدەری دگەل (پڕۆژەیێن وه‌به‌رهێنه‌ران)دا هاتییەکرن و سوودمەند و پێگیربووینە ب وان ماف و رێکارێن د وێ یاسایێ دا هاتین، لەوما هەتا نۆکە (٦٨) پڕۆژە بدوماهیک هاتینە (٢٠١) پڕۆژە دقۆناغا بجهئینانێ دانە به‌لێ (گه‌لك ژ ئه‌ڤان 201 پڕۆژەیان قۆناغا ئێكێ بدوماهیك هاتینه و چه‌ندین هاوڵاتى سوودمەند بووینە) و سەرمایەکێ زۆر ب رێکا وان پڕۆژەیان کەتییە دخزمەتا ژێڕخانا ئابووری و بازاڕ و هێزا کاری یا هەرێما کوردستانێ ب گشتى وپارێزگەها دهۆکێ ب تایبەتى دا.
سەرمایێ پڕۆژەیێن بدوماهیک هاتی کو وەک ل سەری هاتییە دیارکرن (٦٨) پڕۆژەنە کو دبیتە (1،498،204،898) ملیارەک و چارسەد و نۆت و هەشت ملیون و دوو سەد و چار هزار و هەشت سەد و نۆت و هەشت دۆلار.
هه‌ر دیسان سەرمایێ پڕۆژەیێن دقۆناغا بجهئینانێ دا کو (٢٠١) پڕۆژەنە دبیتە (4،330،563،574) چار ملیار و سێ سەد و سیهـ ملیون و پینج سەد و شێست و سێ هزار و پێنج سەد و حەفتێ و چار دۆلار.
هەژمارەکا پڕۆژەیان ژی ژبەر پێگیرنەبوونا وەبەرهێنەران ب یاسایێ و رێنمایێن جڤاتا بلندا وەبەرهێنانێ ل هەرێما کوردستانێ مۆلەتا وان هاتییە هەلوەشاندن کو هژمارا وان(٢٦) پڕۆژەنە و پشتی تمامبوونا رێکارێن یاسایی دگەل وەبەرهێنەری ئەو پڕۆژە دووبارە وەکو دەرفەتێن نوی یێن وەبەرهێنانێ دهێنە راگەهاندن، دا کو وەبەرهێنەرەکێ خۆدانشیان و پێگیر ب یاسایێ و رێنماییان وەربگریت و بجهـ بینیت، کو سەرمایێ وان پڕۆژەیان ژی دبوو (1،771،591،768) ملیارەک و حەفت سەد و حەفتێ و ئێک ملیون و پێنج سەد و نۆت و ئێک هزار و حەفت سەد و شێست و هەشت دۆلار.
سه‌بارت قه‌بارێ وه‌به‌رهێنانێ دساڵا ٢٠٢٣ێ دا ژی هەتا نۆکە (٧) پڕۆژەیان مۆلەتا وەبەرهێنانێ وەرگرتییە و دابه‌شكرینه لسه‌ر چه‌ندین سیكته‌رێن جودا جودا وه‌ك ( بازرگانی، گه‌شتیاری، پیشه‌سازى، ته‌ندروستى ) سەرمایێ وان دبیتە (27،597،538) بیست و حەفت ملیون و پێنج سەد و نۆت وحەفت هزار و پێنج سەد و سیهـ و هەشت دۆلار.
پڕۆژەیێن مۆله‌ت بۆ هاتینه دان لسه‌ر ده‌مێ كابینەیا نه‌هێ (9)ێ یا حكومه‌تا هه‌رێما كوردستانێ
لسه‌ر ده‌مێ کابینەیا نه‌هێ یا حكومه‌تا هه‌رێما كوردستانێ گه‌له‌ك گورانكاریێن مه‌زن یێن ستراتیژى و پڕۆژەیێن وه‌به‌رهێنانێ دا هاتینه كرن و گرنگی دایه ژێڕخانا ئابورى یا باژێڕ و باژێڕكێن پارێزگه‌ها دهوكێ، ب مه‌ره‌ما جوراوجوركرنا ژێدەرێن داهاتى و په‌یداكرنا ده‌لیڤه‌یێن كارى بۆ هاولاتیان . ژمارا پڕۆژەیان ل سه‌ر ده‌مێ کابینەیا نه‌هێ یا حكومه‌تا هه‌رێما كوردستانێ گەهشتییە (57) پڕۆژەیێن جوراوجور و ب ڤێ شێوەیێ لخوارێ دیاركرى:-
| ژ | ناڤێ وه‌به‌رهێنه‌رى | ناڤێ پڕۆژەى | سیكته‌ر | جهێ پڕۆژەى | سه‌رمایێ پڕۆژەى بدۆلارى |
| 1 | رعد یاسین صالح | موتێل ڤه‌هێل | گه‌شتیارى | دهوك | 3،000،000 |
| 2 | رمضان موسى طاهر | دومیز كۆل | بازرگانى | سێمێل /فایده | 3،448،000 |
| 3 | مسعود محمد سعید | گوندێ هێلین یێ گه‌شتیارى | گه‌شتیارى | ئامێدیێ/چه‌مانكێ | 3،500،000 |
| 4 | خلیل محمد نذیر co legacy construction | هوتێل سه‌رسنگ به‌رى | گه‌شتیارى | ئامێدیێ /سه‌رسنگ | 4،666،000 |
| 5 | وارشاد بۆ بازگانى گشتى – هێنان و برد سنوردار | كارگه‌ها هه‌رگول بۆ به‌رهه‌م ئینانا موبیل یاتا | پیشه‌سازى | سێمێل فایده | 1،794،000 |
| 6 | ئومێد عبدالكریم جمعه | شاهین سپورت سەنتەر | وه‌رزشى | سێمێل | 2050000 |
| 7 | كۆمپانیا لایك نێست بۆ وه‌به‌رهێنانى گشتوكال | كارگه‌ها جوتیار بۆ به‌رهه‌م ئینانا فینگه‌را | پیشه‌سازیا خوارنێ | به‌رده‌ره‌ش/ روڤیا | 9967000 |
| 8 | Co. Petro Weld Services | كومه‌لگه‌ها پتروویلد | پیشه‌سازى | به‌رده‌ره‌ش/ روڤیا | 20954000 |
| 9 | نصرالدین احمد مراد و ایوب نعمان عبدالرحمن | نه‌خۆشخانه گشتى پیرس | ته‌ندروستى | ئاكرێ | 3250000 |
| 10 | شڤان ابراهیم محمد | قوتابخانە و باغچێ زاروكان یا بریتانى Cambridge | په‌روه‌رده‌یى | سێمێل | 3732000 |
| 11 | غازى عزیز عبدالله | علوه ئاكرێ هاوچه‌رخ | بازرگانى | ئاكرێ | 15075000 |
| 12 | نیبه‌ر Co | ئاریا ستى | ئاكنجیبوون | سێمێل | 48000000 |
| 13 | كۆمه‌له‌ى نیشته‌جیكردنى خێزانى شه‌هیدا | رۆژ ستى | ئاكنجیبوون | دهوك | 143650000 |
| 14 | سه‌ركه‌فت رشید سعید | گه‌شاو یێ گشتوكالى | گشتوكالى | دهوك | 3000000 |
| 15 | Co .Kaبو بازرگانیا گشتى | كارگه‌ى (TOPAL KA) بۆ به‌رهه‌م ئینانى جگاره و نه‌رگیله | پیشه‌سازیا خوارنێ | سێمێل | 41419000 |
| 16 | مأمون نورالدین صالح | باژێڕێ یاریا حه‌وشكێ | گه‌شتیارى | سێمێل | 4615000 |
| 17 | كۆمپانیا كاڤین گروپ/ زكرى بشیر شنى | خانیێن شیشه‌ى بۆ چاندنا فێقى و زه‌رزه‌واتى | پیشه‌سازى/كشتوكالى | سێمێل | 15000000 |
| 18 | كۆمپانیا ویلا بۆ بازرگانى گشتى/سنوردار | كارگه‌هێن به‌رهه‌مئینانا گولاڤا،كلینس،شامپۆ،صابون رون و حه‌فازا | پیشه‌سازى | سێمێل | 37000000 |
| 19 | بریندار محمد ایوب | نه‌خۆشخانا روژئاڤا یا تایبه‌ت | ته‌ندروستى | دهوك | 5937000 |
| 20 | ئەمین موسى محمد | Duhok International Cardiac Center | ته‌ندروستى | دهوك | 9494000 |
| 21 | سامان یوسف ئەحمد | نه‌خۆشخانه سوزڤین/تایبه‌ت به شه‌له‌ل ده‌ماغ و ئیفلیج | ته‌ندروستى | دهوك | 3000000 |
| 22 | كۆمپانیا كودام | باخچێ فلكلورى كوردى | گه‌شتیارى | دهوك | 3280000 |
| 23 | مؤید جبار دینو و شاكر جبار دینو | نوروز بازار | بازرگانى | ئاكرێ | 1600000 |
| 24 | زكرى بشیر شنى/كۆمپانیاى كاڤین گروب | پرۆژه‌ى كاچین یێ خودانكرنا چێلا و دابینكرنا ئالفى كارگه‌ها | پیشه‌سازى/كشتوكالى | سێمێل | 40000000 |
| 25 | دلوڤان ئەحمد خلیل | كومه‌لگه‌ها چارستین یا روشه‌نبیرى | هونه‌رى | دهوك | 2000000 |
| 26 | نبیل زاهر یونس | كومه‌لگه‌ها یاسمین یا بازرگانى | بازرگانى | به‌رده‌ره‌ش/ روڤیا | 1100000 |
| 27 | كۆمپانیا LAGACY | ده‌ڤه‌رى پیشه‌سازى خوراكى/كانى سپى | پیشه‌سازى | سێمێل | 48350880 |
| 28 | خلیل تەتەر ابراهیم | هندرین یا گه‌شتیارى | گه‌شتیارى | دهوك/ زاویته | 1128000 |
| 29 | سعید احمد سعید | كارگه‌ها یاسمین بۆ به‌رهه‌م ئینانا كلینسێن ته‌ر و حشك | پیشه‌سازى | سێمێل / فایده | 1760000 |
| 30 | نه‌زیر یوسف حسن | كارگه‌ها تیان یا دروستكرنا ئارى | پیشه‌سازیا خوارنێ | سێمێل | 9206000 |
| 31 | احمد تاهر اسكندر | Luxe Tower | بازرگانى و گه‌شتیارى و وه‌رزشى | دهوك | 9620000 |
| 32 | نایف احمد محمد | رزگارى سپورت سه‌نته‌ر | وه‌رزشى | دهوك | 1115135 |
| 33 | رێكان حسین اسعد | كومه‌لگه‌ها شێلادزێ یا گه‌شتیارى | گه‌شتیارى | ئامێدى/ شێلادزێ | 2762400 |
| 34 | هێرش رشید محمود و سركت عبدالله جنید | كارگه‌ها چه‌م بۆ به‌رهه‌مئینانا ئاڤا باجانا و مه‌ره‌با وصلصات | پیشه‌سازى/كشتوكالى | سێمێل | 5000000 |
| 35 | شیلان امین اوسمان | Mariana International School | په‌روه‌رده‌یى | سێمێل | 3350000 |
| 36 | دیوالى خالد یوسف | MB CROWN TOWER | بازرگانى | سێمێل | 14000000 |
| 37 | د.بهار جعفر حاجى عمر | نه‌خۆشخانا ژین یا تایبه‌ت ب ددانا | ته‌ندروستى | سێمێل | 2823000 |
| 38 | فاروق حسین گاهر | كومه‌لگه‌ها گولان یا بازرگانى | بازرگانى | سێمێل/ فایده | 3333784 |
| 39 | نورى میرو سلیمان | پاركا ئازادى یا هه‌ڤچه‌رخ | گه‌شتیارى | به‌رده‌ره‌ش | 1930888 |
| 40 | هاوار محمد رشید عارف و محمد محمد امین سلیم كانیلانى | نه‌خۆشخانا ئاینده | ته‌ندروستى | ئاكرێ | 3578822 |
| 41 | دلوڤان رسول بەرەكات | موتێل میهراز یا مودێرن | گه‌شتیارى | سێمێل | 2041840 |
| 42 | ابراهیم طاهر عبدالرحمن | موتێل گه‌لیێ سیلاڤێ | گه‌شتیارى | ئامێدى | 1052662 |
| 43 | كۆمپانیا پالو | The Avenue Duhok | بازرگانى | دهوك | 54380552 |
| 44 | زێره‌ڤان مجید خلف | Sharya Modern shoping center | بازرگانى | سێمێل / فایده | 1200000 |
| 45 | بێكه‌س سعید محمد | New Shexan Mall نیو شێخان مۆل | بازرگانى | شێخان | 831081 |
| 46 | بهزاد خدر خسرون | مۆلا دیلوك DILOK | بازرگانى | سێمێل / فایده | 2250000 |
| 47 | یاسین انور میرزا | نه‌خۆشخانا مان یا په‌نجه‌شێرێ | ته‌ندروستى | دهوك | 6500000 |
| 48 | محمد حسن محمد | كومه‌لگه‌ها هاڤانا یا نوژدارا | ته‌ندروستى | دهوك | 1414865 |
| 49 | كۆمپانیا Halden | Montessori كومه‌لگه‌ها په‌روه‌رده‌یى | په‌روه‌رده‌یى | سێمێل | 2189863 |
| 50 | Grand Wave CO | كارگه‌ها بستان یا به‌رهه‌م ئینانا گوشتى به‌ستى و مقرمشاتا | پیشه‌سازیا خوارنێ | به‌رده‌ره‌ش | 9453893 |
| 51 | حسین بشار مشیر | كارگه‌ها روڤ یا به‌رهه‌م ئینانا جگارا و توتنێ | پیشه‌سازى/كشتوكالى | به‌رده‌ره‌ش | 8650875 |
| 52 | حسین بشار مشیر | کۆگە‌هێن حسین یێن ساركه‌ر بۆ عه‌مباركرنا به‌رهه‌مێن چاندنێ | بازرگانى | به‌رده‌ره‌ش | 2517940 |
| 53 | كۆمپانیاى گروپى السردار بۆ بازرگانى و به‌لێنده‌رایه‌تى | عمبارى تویوتا عیراق/سردار گروپ بۆ ده‌ڤه‌را گومرك و کۆگە‌یان | بازرگانى | سێمێل | 2850000 |
| 54 | عمر غازى پسو | كومه‌لگه‌ها مالدیڤ یا گه‌شتیارى | گه‌شتیارى | سێمێل/ فایده | 1082500 |
| 55 | هڤال سعدى عثمان | كومه‌لگه‌ها سازوار یا بازرگانى | بازرگانى | سێمێل/ فایده | 1292471 |
| 56 | ازاد محمد سلیم محمد | كارگه‌ها ئافته‌ن یا به‌رهه‌مئینانا فینگه‌را به‌تاتا و کۆگە‌هێن ساركه‌ر | پیشه‌سازى/ بازرگانى | شێخان | 1749859 |
| 57 | نیهاد مهدى محمد طاهر | نه‌خۆشخانا شیفاء دهوك | ته‌ندروستى | سێمێل | 8018700 |
هه‌ژیه بێژین كو به‌شه‌ك ژ ئه‌ڤان پڕۆژەیان، پڕۆژەیێن گه‌له‌ك گرنگ و ستراتیژى بوون بۆ پارێزگه‌ها دهۆكێ وه‌ك ل خوارێ دیاركرى.
- پڕۆژەیێ (هوتێلا سه‌رسنگ یا به‌رى) یێ وه‌به‌رهێنه‌ر (خلیل محمد نذیر co legacy construction ) دكه‌ڤیته ده‌ڤه‌رداریا (ئامێدیی / سه‌رسنگ) پڕۆژه‌یەكێ گه‌شتیارییه و مۆله‌تا وه‌به‌رهێنانێ یا ژماره (952) ل 26/1/2020 ژلایێ ده‌سته‌یا وه‌به‌رهێنانێ ڤه پێ هاتیه دان و پڕۆژه پێكهاتیه ژ (نووژه‌نكرنا هوتێلا سه‌رسنك یا به‌ری) ب شێوازێ که‌ڤن و پێك دهێت ژ (2) نهومان نهوما ئێكێ (18) ژۆرێن نڤستنێ، لوبى ، خوارنگه‌هـ، كافتریا ، جهێ نڤستنا كارمه‌ندان ) نهوما دوویێ ژی پێك دهیت ژ (44) ژۆرێن نڤستنێ(23) ژۆرێن نڤستنا كارمه‌ندان و هۆڵا ئاهەنگان و پاركینگ و باخچه و جهێن خزمه‌تگوزارى ) و ماوێ بجهئینانا پڕۆژەى ژی (36) هه‌یڤن و رووبه‌رێ بۆ پڕۆژەى هاتیه ته‌رخانكرن ژی ( 14،920)م2 ) دیسان سه‌رمایێ پڕۆژەى ژی پترە ژ (4،666،000) ملیون دۆلارن. ورێژا بجهئینانێ ژی گه‌هشتییه ( 60%) ودێ پتر ژ 35 كرێكار كارى تێدا كه‌ن ب بدوماهێك ئینانا ئه‌ڤى پڕۆژەى راست وخو. هه‌ريسا هزارن خه‌لك دێ مفاداربيت ژ پێشكێشكرنا خزمه‌تێن فندقى بو گه‌شتياران ودێ بيت هانده‌ره‌ك بو خورتكرنا بزاڤا گه‌شتيارى ل ده‌ڤه‌رێ .
- پڕۆژەیێ وه‌به‌رهێنانێ (كارگه‌ها جوتیار بۆ بەرهەمئینانا فینگه‌ران ژ پتاتا) یێ وه‌به‌رهێنه‌ر (كۆمپانیا Like Nest ) کو دكه‌ڤیته ده‌ڤه‌را (به‌رده‌ڕه‌ش) پڕۆژه‌یەكێ پیشه‌سازیا خۆمالییه و مۆله‌تا وه‌به‌رهێنانێ یا ژماره (960) ل 25/2/2020 ژلایێ ده‌سته‌یا وه‌به‌رهێنان ڤه پێ هاتیه دان و پڕۆژه پێكهاتیه ژ(هۆڵێن به‌رهەمئینانێ و 7 هۆڵێن كۆگه‌هكرنا به‌رهه‌مى کو 4 كۆگه‌هێن كه‌ره‌ستەیێن خاڤ و 10 کۆگە‌هێن ساركه‌ر بۆ به‌رهه‌مى ،پیشانگه‌هـ ،كارگێریا پڕۆژەى و جهێن خزمه‌تگوزاری ،پارك و كه‌سكاتى ) ب سەرمایێ پتر ژ (9067000) ملیون دۆلاران و لسه‌ر رووبه‌رێ 37500م ئه‌ردى دهێتە دروستکرن و رێژا بجهئینانێ گه‌هشتیه ( 80%) ودى پتر ژ (52)کرێکار كارى تێدا كه‌ن ژبۆ بدوماهێك ئینانا ئه‌ڤى پڕۆژەى و دکەڤیتە قه‌زا به‌رده‌ره‌ش.
- پڕۆژەیێ وه‌به‌رهێنانێ یێ خودانكرنا چێلا بۆ بەرهەم ئینانا بەرهەمێن سپیاتیان بناڤێ (پڕۆژەیێ كاڤین یێ خودانكرنا چێلا و دابینكرنا ئالفێ وكارگه‌ها سپیاتیا) یێ وه‌به‌رهێنه‌ر (كۆمپانێ كاڤین / زكری بشیر شینى) دكه‌ڤیته ده‌ڤه‌رداریا سێمێلێ کو پڕۆژه‌یەكێ پیشه‌سازیا چاندنیێ یە و مۆله‌تا وه‌به‌رهێنانێ یا ژماره (1027) ل 7/1/2021 وه‌به‌رهێنانێ پێ هاتیه‌دان، و پڕۆژه پێكهاتیه ژ (جهێ حه‌واندنا چێلا ،جهێ حه‌واندنا گا ،جهێ ڤاكسینكرنێ، جهێ حه‌واندنا چێلێن دووگیان ،مساخ و قسابخانه ، جهێن ڤه‌كرى و چاندنا جەهـ و گه‌نمى ، جهێ حه‌واندنا ستافێ كارى، كارگه‌ها پارچه‌كرنا گوشتى، كارگێڕیا پڕۆژەى ،جهێن خزمه‌تگوزارى ) لسه‌ر رووبه‌رێ 1000دۆنەمێن ئه‌ردى بۆ هاتینه ته‌رخانكرن و سه‌رمایێ ئه‌ڤی پڕۆژەى (40،000،000) ملیون دۆلارن، و رێژا بجهئینانێ گه‌هشتیه (10%) و دێ پتر ژ (90) کرێکار كارى تێدا كه‌ن ب بدوماهێكئینانا ئه‌ڤى پڕۆژەى .
- پرۆژێ وه‌به‌رهێنانێ یێ ته‌ندروستى بناڤێ (نه‌خۆشخانا گشتى و تایبه‌تمه‌ندیا نه‌خۆشیا په‌نجه‌شێرێ) یێ وه‌به‌رهێنه‌ر(كۆمپانیا كۆمه‌كا نوژدارا بۆ وه‌به‌رهێنانا پزیشكى/سنوردار) دكه‌ڤیته ده‌ڤه‌رداریا سێمێلێ/ حه‌وشكێ مۆله‌تا وه‌به‌رهێنانێ یا ژماره (807) ل 20/8/2017 ژلایێ رێڤه‌به‌ریا گشتى یا وەبەرهێنانێ ڤه ل دهوكێ پێ هاتیه دان. پێكهاتێن پڕۆژەى ژی (ئاڤاهیه‌كێ 6 قاتى، پاركێن راوه‌ستاندنا ترومبێلان، به‌شێ لیناك بۆ چاره‌سه‌ریێن تیشكا کویر و تیشكا نه‌وه‌وى بۆ ده‌ست نیشانكرنا نه‌خۆشیێ و چاره‌سه‌ركرنێ، تیشكا ئاسایى به‌شێ كیمۆترابى، تاقیگه‌هـ، ژۆرێن نوژدارا و به‌شێ هه‌وارهاتنێ كارگێڕیا پڕۆژەى و كلینیكێن نوژداران، ده‌رمانخانه و کافێتیریا و کۆگە‌هــ و هۆڵا پێشوازیێ و ژۆرێن خزمه‌تگۆزارى و ژۆرێن نه‌خۆشا و هۆڵا فێركارى و جهێن حه‌واندنا نوژداران و جهێن خزمه‌تگوزارى) لسه‌ر رووبه‌رێ ( 10885م2) سه‌رمایێ پڕۆژەى (18،226،050) دۆلارانه و رێژا بجهئینانێ گه‌هشتیه ( 40 %) و دى پتر ژ (111) كرێكار كارى تێدا كه‌ن ب بدوماهیكئینانا ئه‌ڤى پڕۆژەى.
- پڕۆژەیێ وه‌به‌رهێنانێ یێ كه‌رتێ بازرگانى و خزمه‌تگۆزارى یێ بناڤێ ( کۆمەڵگەها خزمەتگوزاریێن پیشەسازیا ترومبێلان) پڕۆژەیەکێ وەبەرهێنانێ یە و دکەڤیتە دەڤەرا ئالۆکا ل دهۆکێ. مۆله‌تا وه‌به‌رهێنانێ یا ژماره (806) ل 16/8/2017 بۆ وه‌به‌رهینه‌ر( كۆمپانیا شاهان )هاتیه دان. لسه‌ر رووبه‌رێ (679113،7)م2 هاتیه دروستكرن و ب سه‌رمایێ (62،674،233) دۆلاران، ئەڤ دەڤەرە ژ ٢٣٧٨ جهێن پیشەسازی پێکدهێت دورێن( ١٠هزار کەسان ) دێ تێدا کارکەن، ژ (6) سەنتەرێن خزمەتگوزاریان پێک دهێت ژ شەش زۆنان کو چار زۆن ب دوماهیک هاتینە، دیسان پڕۆژەی سیستەمێ ئاڤا گران تێدایە و بن ئەردە، سەرمایێ پڕۆژەی ژی نێزیکی ٦٣ ملیون دۆلارانە هەر دیسان بنگەهێ پۆلیسان، بنگەهێ ئاگرڤەمراندن، بنگەهی ساخلەمیێ، جهێن شۆشتنا ترومبێلان، خوارنگەهـ، مارکێت و مزگەفت و کەسکاتی تێدانە و ٧٥٪ یا دەستێ کاری خۆمالییە و پڕۆژە ل سەر رووبەرێ نێزیکی ٣٠٠ دۆنەمان دهێتە ئاڤاکرن، پڕۆژە یێ وەبەرهێنەر کۆمپانیا شاهانە و رێژا بجهئینانێ گه‌هشتیه ( 74 %).
- پڕۆژەیێ وه‌به‌رهێنانێ یێ بناڤێ (كارگه‌ها چه‌م بۆ به‌رهه‌م ئینانا ئاڤا باجانا و مڕه‌با صلصات و چاندنا شتلێن باجانا) یێ وه‌به‌رهێنه‌ر ( هێرش رەشید مەحموود و سەركەت عەبدڵا جونەید) مۆله‌تا وه‌به‌رهێنانێ یا ژماره (1104) ل 6/2/2022 بۆ هاتیه دان. و دکەڤیتە دەڤەرا سێمێلێ ، پڕۆژه‌یەكێ پیشه‌سازى و كشتوكالییه و پێكهاتیه ژ (ئاڤاهیێ كارگه‌هێ و هۆڵا وه‌رگرتنا كه‌رەستەیێن سه‌ره‌كى و کۆگە‌ها سه‌ره‌كى و جهێ شیشتنا فێقى و کۆگە‌ها ساركەر یا فێقى و جهێ تانكێ خێ و شه‌كرێ ،وجهێ گرنتینێ و زوونێ باركرنا به‌رهه‌مى و جهێ داگرتنێ و جهێ به‌رهه‌مئینانا كه‌تچه‌بێ و ماینوزێ و تاقیگه‌هــ و کۆگە‌ها به‌رهه‌مى و ئۆفیسێن كارگه‌هێ و قه‌پان و گوره‌پانا راوه‌ستاندنا ترومبێلا و باغچه و ده‌ڤه‌رێن ڤه‌ركى) ئه‌ڤ پڕۆژه لسه‌ر رووبه‌رێ (62500)م2 ب سه‌رمایێ (5،000،000) دۆلارن دهێته ئاڤاكرن و رێژا بجهئینانێ گه‌هشتیه ( 27%) و دێ پتر ژ (56 ) کەس تێدا كاركه‌ن ب بدوماهێك ئینانا ئه‌ڤى پڕۆژەى.
- پڕۆژەیێ وه‌به‌رهێنانێ یێ بناڤێ (كارگه‌ها تیان یا دروستكرنا ئارى) یێ وه‌به‌رهێنه‌ر (نظیر یوسف حسن) مۆله‌تا وه‌به‌رهینانێ یا ژماره (1056) ل 9/5/2021 بۆ هاتییه‌دان، پڕۆژه‌یەكێ پیشه‌سازیه و دکەڤیتە دەڤەرا سێمێلێ /كرشينى و پێكهاتیه ژ (2 هۆڵێن به‌رهه‌مئینانێ کۆگە‌ها كه‌رستەیێن خاڤ و کۆگە‌ها به‌رهه‌می و (4) سایلو كارگێرى جهێ حه‌واندنا كرێكاران كافتریا پاركینك جهێن خزمه‌تگۆزارى لسه‌ر رووبه‌رێ (45568)م2 ب سه‌رمایێ (9،206،000) دۆلاران هاتیه ئاڤاكرن و رێژا بجهئینانێ گه‌هشتیه (74 %) و پتر ژ( 40 ) كارکه‌ر كارى تێدا كه‌ن ، ئه‌ڤ پڕۆژەیە كه‌تییه د قۆناغا كاریدا و چه‌ندین جورێن ئارى به‌رهم دئینیت كو نوكه ل بازارێ كوردستانێ وعێراقێ دا هەنە وه‌ك (ئارێ سلیڤانا، ئارێ جوتیار ، ئارێ تنور، ئارێ مزراع).
- پڕۆژەیێ وه‌به‌رهێنانێ یێ بناڤێ (ده‌ڤه‌را پيشه‌سازيا خوراكى /كانى سپى) ل ده‌ڤه‌را سێمێلێ یێ وه‌به‌رهینه‌ر( كۆمپانیا Innovate Construction & LAGACY وه‌ك گه‌شه‌پێده‌ر) مۆله‌تا وه‌به‌رهێنانێ یا ژماره (1040)ل 21/2/2021 وەرگرتییە و پێكهاتێن پڕۆژەى ژی ژ (57 کۆگە‌هێن به‌ستنێ و 92 کۆگە‌هێن ساركه‌ر و 80 کۆگە‌هێن نورمال، بانك، په‌یمانگه‌ها پیشه‌سازى، جهێ حه‌واندنا كرێكاران، 2 جهێن ئۆفیسان و خارنگه‌هـ، و چه‌ندین جهێن بازرگانى و چاپخانه، سه‌نته‌رێ وه‌رزشى، پێشانگه‌ها به‌ر‌هه‌مێ كه‌رستەیێن خارنێ، بنگه‌هێن پولیسا، بنگه‌هێ ئاگرڤه‌مراندنێ، سه‌نته‌ری پزیشكى، مزگه‌فت، یه‌كا كارگێرى، یه‌كا چاره‌سه‌رىا ئاڤا گران و پارك و دگه‌ل هه‌موو خزمه‌تگوزاریێن ده‌ستپێكى و شوسته، رێك و بان و تورێن ئاڤ و کارەبێ بۆ (275)كارگه‌هێن پیشه‌سازیا خوراكى و 229 کۆگە‌هێن جوراوجور ورێژا بجهئینانێ گه‌هشتیه (11 %) ب بدوماهێك ئینانا ئه‌ڤى پڕۆژەى.و دێ پتر ژ (10000 )هزار کەس تێدا كاركه‌ن.
- پڕۆژەیێ وه‌به‌رهێنانێ یێ بناڤێ (كارگه‌ها به‌رهم ئينانا گولاڤا، كلينكس ، شاپۆ ، صابوننن و ححفازا) ل قه‌زا سێمێلێ /ده‌ڤه‌را مارينا یێ وه‌به‌رهینه‌ر( كۆمپانیا ويلا وساحر بۆ بازرگانيا گشتى ) كو مۆله‌تا وه‌به‌رهێنانێ یا ژماره (993)ل 29/9/2020 وەرگرتییە و پێكهاتێن پڕۆژەى ژی ژ ( كارگێريا پروژى ، کۆگە‌هێن كه‌ره‌ستێن خاڤ هولا به‌رهم ئينانێ ،كوگه‌ها ئامێران ،هولا چاككرنا ئامێران و کۆگە‌هێن شامپۆ و كوگە‌ها گولاڤێ ،كوگه‌ها كلينكسا وشامپۆ وصابونان ،خارنگه‌ه ،مزگه‌فت ،يه‌كا چاره‌سه‌ركرنا ئاڤا گران ،پارك وكه‌سكاتى ، وجهێ خزمه‌ت گوزارى وجهێ حه‌واندنا كرێكاران ) ب رووبه‌رێ (130000م2) ب سه‌رمايێ ( 37.000,000)مليون دولاران لسه‌ر پارچه زوڤييا ژماره (5/1كه‌رتێ 58سه‌ر شوور ) كو نوكه رێژا جێبه‌جێكرنا گه‌هشتيه قوناغيێن دوماهێكێ ، ب ده‌ست بكار بوونا ئه‌ڤێ پروژى دێ ده‌رفه‌تا كارى بو بتر ژ (500 ) كرێكاران په‌يداكێت ودێ بيت هانده‌رك بو خورتكرنا بزاڤا بازرگانى وئابورى وديتنا به‌رهمێن وكالێن ناخو ل بازارێن كودستانێدا .
