ب سه‌رپه‌رشتییا سه‌رۆك بارزانى كۆمیتا پارتییا مه ئه‌ڤرۆ ب ئاماده‌بوونا جێگرێ سه‌رۆكی و ئه‌ندامێن كۆمیتا ناڤه‌ندى و ئه‌ندامێن یه‌ده‌ك و به‌رپرسێن لقێن پارتى كۆمبوونه‌كا به‌رفره‌هـ ئه‌نجامدا .
پشتى دانوستاندنێ و گوهۆرینا هزر و بیران ل سه‌ر بابه‌تێن نوكه و گرنگ و كاریگه‌رییێن جیهانێ و ده‌ڤه‌رێ ب گشتى و عیراقێ و كوردستان ب تایبه‌تى ئه‌ڤ ته‌وه‌رێن ل خوارێ هاتنه گه‌نگه‌شه‌كرن. ته‌وه‌رێ ئێكێ : ره‌وشا گشتىیا نیڤده‌وله‌تى و روودانێن نوكه یێن جیهانێ و گوهۆرینا هه‌ڤكێشه‌یێن سیاسى وعه‌سكه‌رى و قه‌یرانێن لێكهفتهیان ژ ڤان لایانڤه ل سه‌ر هه‌موو ده‌وله‌تان هه‌یه و سیاسه‌ت و به‌رنامێن ئه‌مریكا ل رۆژهه‌لاتا ناڤین ب شێوه‌كێ گشتى بوویه جهێ دلگرانیا هه‌ڤپه‌یمانان و پشكه‌ك ژ وان لێكهفتهیان راسته‌وخۆ و هنده‌ك ژى نه‌راسته‌وخۆ كاریگه‌رى ل سه‌ر هه‌رێما كوردستانێ هه‌یه .
ته‌وه‌رێ دویێ: ره‌وشا هه‌رێمایه‌تى په‌یوه‌ندییێن مه ل گه‌ل وه‌لاتێن جیران دانوستاندن ل سه‌ر هاته كرن وب پێدڤى زانى كو رێز ل سه‌روه‌رییا وه‌لاتان بهێته گرتن و پاراستنا ئه‌منیه‌تا وان ب گرنگ ل قه‌له‌م دا و نابیت ژ هه‌رێمێ گه‌ف ئاراسته‌یى وان وه‌لاتان بهێته كرن و پێدڤىیه به‌رژه‌وه‌ندییێن مه یێن هه‌ڤپشك ل گه‌ل وان وه‌لاتان دبیاڤێ سیاسى و ئه‌منى و ئابوورى دا لبه‌رچاڤ بهێته وه‌رگرتن و بهێته پاراستن.
ته‌وه‌رێ سێیێ : ره‌وشا عیراقێ : بابه‌تێ هه‌ڤپه‌یمانیا ئیداره‌یا ده‌وله‌تێ هاته به‌حسكرن ب تایبه‌تی ئه‌و پاشڤه‌كیشانا به‌رامبه‌ر پێكهاتێن دناڤ هه‌ڤپه‌یمانییێ دا دهێته هه‌ستپێكرن، بجهئینانا مادێن وێ رێككه‌فتنێ و هه‌ڤپه‌یمانیا دگه‌ل حكومه‌تێ ل سه‌ر پێكئینانێ ، جهێ دلگرانیا جدییه و لێكه‌فتیێن ب ڤى ره‌نگى سه‌ره‌ده‌ر‌یكرن دگه‌ل هه‌ڤپه‌یمانیێ زیان دێ بۆ هه‌موو حكومرانییا عیراقێ هه‌بیت ، پشته‌ڤانییا سه‌رۆك وه‌زیرێن حكومه‌تا فیدرالی دكه‌ین و هیڤیدارین ب سه‌ر ئاسته‌نگ و رێگرییان سه‌ربكه‌ڤیت د بجهئینانا كارنامێن كابینه‌یێ كو رێككه‌فتن ل سه‌ر هاتییه كرن.
تهوهرهێ چارێ : كۆمبوونێ پشته‌ڤانی بۆ حكومه‌تا هه‌رێما كوردستانێ دووپات كر و پێنگاڤ بۆ چاره‌سه‌ركرنا كێشه و گرفتان ل گه‌ل حكومه‌تا فیدرالی بلند هه‌لسه‌نگاند و هه‌روه‌سا بزاڤێن چاره‌سه‌رییا بابه‌تێ بودجه‌یی و دابینكرنا مووچه و ژیان و ئێمناهیای وه‌لاتێن هه‌رێما كوردستانێ ب په‌سه‌ند دزانین.
ته‌وه‌رێ پێنجێ : تهوهرهێ ره‌وشا ناڤخۆیا هه‌رێمێ : هه‌لبژارتن و هه‌لویستێ پارتییا مه ده‌رباره‌یی هه‌لبژارتنێن په‌رله‌مانێ كوردستانێ و ئه‌و پێنگاڤێن كو هه‌تا نوكه هاتینه هاڤێتن ل سه‌رۆكاتییا هه‌رێمێ و كۆمبوون ل گه‌ل كومسیۆنا بلندا هه‌لبژارتنێن عیراقێ، هه‌روه‌سا پێنگاڤێن پارتییا مه بۆ ئاساییكرنا ره‌وشا هه‌رێمێ و ڤه‌دیتنا سه‌قایه‌كی بۆ ئه‌نجامدانا هه‌لبژارتنان ، بۆ ڤێ مه‌ره‌مێ زێده‌تر رێكخستنا په‌یوه‌ندییان دناڤبه‌را لایه‌نێن پشكدار د پرۆسێسا سیاسى و رێككه‌فتن ل سه‌ر رێكارێن قانوونێ ژ پێخه‌مه‌ت به‌رده‌وام بین ل كۆمبوونان ل گه‌ل لایه‌نان و بزاڤێ دكه‌ین ئاسته‌نگ و كێشه چاره‌ببن و ئیدارا ره‌وشێ بكه‌ین ب شێوه‌كێ جۆدا و رێگرنه‌بین ل به‌رامبه‌ر پرۆسێسا هه‌لبژاتنان و سیاسى دا.
تەوەرێ شه‌شێ: ره‌وشا ناڤخۆیا پارتییا مه: ب روونی به‌حسێ شێوازێ كاركرنا ئۆرگانان و كاركرنا هەڤالێن بەرپرس و كادران د ڤێ قووناغێدا هاته كرن، ب تایبەتی گرنگیدان و پابه‌ندی ب پڕۆگرام و پەیڕەوێ ناڤخۆ، هەروەسا گرنگیدان ب بابەتێ ژنان و گەنج و كەسوكارێن شەهیدان و پێشمەرگەیان كو ژ ئەولەوییاتا كارێن وان بیت” هه‌روه‌سا ده‌رباره‌یی وان هێرشێن دهێنه سەر پارتی، دڤێت بزاڤێن مه د ئاستێ مێژوو و مه‌زناهییا رێبازا بارزانی دابن و د ئاسته‌كێ دابن كو ئاشتییا جڤاكی و پرنسیپێن ڕاگەهاندنێ لبه‌ر چاڤ بن.
هه‌روه‌سا ته‌كه‌زی ل سه‌ر پەیوەندییا ئەندام و كادرێن مه ل گەل جەماوەری هاته كرن بۆ ب هێزكرنا هزرا نەتەوەیی و نیشتیمانی، هەروەسا هاندانا هەڤالێن مه بۆ بەرهنگاربوونا هنده‌ك دیاردێن دبنه ئه‌گه‌رێ تێكدانا ره‌وشا جڤاكی و خێزانێ وەكو مادێن بێهۆشكەر” ل دوماهییێ ته‌كه‌زی ل سه‌ر پەیرەوكرنا رێنماییان هاته كرن.
