پروژەیێ بەنداڤا بێدوهێ دێ هێتە سەخبێركرن

پشتی بورینا 9 سالان ژ ڕاوستیانا كارێ پروژەیێ بەنداڤا بێدوهێ، جارەکا دێ دێ دەست ب سەخبێرکرنا پڕۆژەی هێتە کرن

فەرهاد محەمەد تاهر، ڕێڤەبەرێ سکرێ دهۆکێ ڕاگەهاندیە،”ئەڤرۆ رێكەفتی 12 تیرمەها 2023، ب ئامادەبوونا وارشین سلمان محمد طاهر، دەڤەرداێ قەزا ئامێدیێ و صالح حمدی، رێڤەبەرێ ناحیا كانی ماسێ مه دگەل  تیمەكێ ئەندازیارێن تەكنیكی و نوونەرێ كۆمپانیا جێبەجێكاریا پروژەیێ بەنداڤا بێدوهێ دەستبكاربوونا سەخبیركرنا بەنداڤا ناڤبری كر.”

دیارکریە ژی، “پشتی بوورینا (9) سالان لسەر ڕاوستیانا كارێ پروژەی، کو ل سالا 2014 وەرگرتنا دەسپێكی بۆ هاتبوو كرن و كەتبوو د قوناغا سەخبیركرنێدا، لێ ژئەگەرێ ڕەوشا دەڤەرێ و چەندین ئەگەرێن دی یێن جودا جودا كارێ سەخبیركرنێ ژلایێ كۆمپانیێ ڤە نەهاتبوو ئەنجامدان و د نوكەدا وەكو قوناغا ئێكی كار بۆ سەخبیركرنا پرۆژەی ژلایێ كۆمپانیا ناڤبری دهێتە كرن، كو دهێتە زانین ئەڤێ بەنداڤێ شیانێن كۆگەهكرنا نیزیكی (1.8) ملیۆن م3  یێن ئاڤێ یێن هەین .