وەزارەتا ناڤخۆ یا هەرێمێ دوماهی هوشداری بۆ تۆماركرنا چەكێ وەلاتییان دەركر و ڕاگەهاند، دوماهی مولەت بۆ تۆماركرنا چەكی 21ی تەمموزێ یە و پشتی وی دەمی چەك دێ ب قاچاخ هێتە هەژمارتن و لێپرسینا یاسایی دێ دگەل خودانێ وی هێتەكرن.
وەزارەتا ناڤخۆ پشتڕاستییێ ددەتە وان كەسان یێن چەك هەی كو د دەمێ تۆماركرنێ و پشتی تۆماركرنێ دا دەست ب سەر چەكێ وان دا ناهێتەگرتن و خودانێ چەكی دشێت چەكێ خۆ دگەل خۆ ببەتە مال ئەگەر چ تاوان پێ نەهاتبنە كرن.
ل دویڤ یاسایێ، سزایێ هەلگرتنا چەكێ بێ مۆلەت ل دویڤ ماددێ 15 یێ یاسایا ژمارە 2 یا چەكی ل هەرێما كوردستانێ كو ل ڕۆژا 1/3/2022 ژلایێ پەڕلەمانێ كوردستانێ ڤە هاتە پەسەندكرن، زیندانكرنە بۆ دەمەكی كو ژ سالەكێ كێمتر نەبیت و ژ سێ سالان زێدەتر نەبیت، هەروەسا سزایەكێ ماددی كو ژ دوو ملیۆن دیناران كێمتر نەبیت و ژ پێنج ملیۆن دیناران زێدەتر نەبیت.
وەزارەتا ناڤخۆ شەش بنگەهـ ل دهۆكێ دەستنیشانكرینە بۆ تۆماركرنا چەكی:
– بنگەهێ پۆلیسێن نزاركێ – پشكا پۆلیسێن ناڤ باژێڕی
– بنگەهێ پۆلیسێن مالتا – پشكا پۆلیسێن ناڤ باژێڕی
– بنگەهێ پۆلیسێن بەردەڕەش – قەزا بەردەڕەش
– بنگەهێ پۆلیسێن شێخان – قەزا شێخان
– بنگەهێ پۆلیسێن سێمێلێ – قەزا سێمێل
– بنگەهێ پۆلیسێن ئامێدییێ – قەزا ئامێدی
