ئاژانسا خانی:
د. مەجید حسێن دۆسکی، تایبەتمەندێ نهخۆشییێن دل و هناڤان” بۆ ئاژانسا خانی گۆت: گەلەک جاران مە گوھلێبوویە، دەمێ کەسەک ب ئەگەرێ کێشەکا جڤاکی تۆرە دبیت” ئێکسەر سینگێ وی د ئێشیت و تووشی جەلتا دلی بوویە و پاشی ژیانا خۆ ژ دەست دایە.
ناڤهاتی گۆت ژی، زانست دبێژیت، تەنگبوونا دەمارێن دلی پشتی ژییێ 10 ههتا 20 سالییێ دهست پێدكهت و دەمێ تەنگبوون گەلەک زێدە دبیت ل ژییێ 40 ههتا 50 سالییێ” نیشان دیار دبن ل دەمێ وەستییانێ یان تورەبوونێ و ئەگەر نەهاتە چارەسەر کرن” دبیت ل هەموو دەما و بێی تورەبوون ژی نیشان هەبن و جەلتە ژی چێببیت، چونکی ل دەمێ وەستییانێ یان تورەبوونێ دل زێدەتر لێددەت و هورمۆنێت لەشی یێت گرێدایی لێدانا دلی زێدە دبن و دل پێدڤی زێدەتر خوینێ دبیت، ئەڤ دەمارێن بەری نوکە گەلەک تەنگ بووین نەشێن ڤی کاری بکەن، بەروڤاژی دبیت ئێک ژ ڤان دەماران ب تەمامی بهێتە گرتن و جەلتە پەیدا ببیت.
د. مەجید هێشتا دبێژیت، ئەڤ تورەبوونە ب تنێ بۆ ئەگەرێ دیاربوونا ئێشەکێیە، کو ئەڤە چەندین سالە دەست پێکری و نەکو ڤی شەری یان قەهرێ ئەڤ جەلتە ئینایه نەخۆشی، لەوما قەهر و تورەبوونا ژ نیشکەکێ ڤە نە ئەگەرێ جەلتێ یێ ئێکسەرە، بەلکو ب تنێ بووویه هاریکار کو ئەڤ ئێشا ژ کەڤندا دەست پێکری دیار ببیت.
