<h3 style="text-align: justify;"><span style="font-size: 18pt;">وهكو پشكهك ژ پلانا ستراتیجییا كابینهیا نههێ یا حكومهتا ههرێما كوردستانێ بۆ دابینكرنا ئاسایشا خوارنێ و گرنگیدان ب كهرتێ چاندنێ و ساخكرنا بهرههمێ جۆتیاران، دماوێ چار سالێن بووریدا 200 هزار تهنان ژ بهرههمێ پتاتان زێدهكر، ئهڤ ساله ژى گههشته 600 هزار تهنان و داهاتێ وى بهرههمى گههشته 500 ملیۆن دۆلاران.</span></h3> <h3 style="text-align: justify;"><span style="font-size: 18pt;">ل دووڤ زانیارییێن فهرمانگهها میدیا و زانیارییێن حكومهتا ههرێما كوردستانێ، جۆتیارێن ههرێما كوردستانێ سالانه 30 جۆرێن پتاتان بهرههم دئینن، ژ وێ رێژهیێ ژى 10 جۆر پیشهسازینه و بۆ بهرههمئینانا ( فینگهر و چیپسان ) دهێنه بكارئینان.</span></h3> <h3 style="text-align: justify;"><span style="font-size: 18pt;">مههدى محهمهد سهرپهرشتێ كۆگهها پتاتان ب فهرمانگهها میدیا و زانیارییان راگههاند، پتات ژ كێلگههان دهێن، پشتى ژلایێ لژنهیا ئهندازیارانڤه دهێنه پشكنینكرن، یێن باش و خراب دهێنه ژێك جۆداكرن، پاشان دهێنه كێشكرن و ههر ئێك ب قهبارهیێ خوه دچیته دناڤا سیستهمیدا و ژماره ئێك ههتا سێیێ بۆ دهێنه دیاركرن، دووڤدا بۆ كۆگههان دهێنه رهوانهكرن.</span></h3> <h3 style="text-align: justify;"><span style="font-size: 18pt;">سهرپهرشتێ كۆگههان بهحس ل هندێ كر، بۆ ئهڤ ساله ژى ههڤبهست دگهل جۆتیاران هاتییه ئیمزاكرن، بۆ هندێ 20 هزار تهنێن پتاتان ژێ بهێنه وهرگرتن، كو دشیاندایه بۆ ماوێ شهش ههیڤان ل كۆگههان بهێنه ههلگرتن و بۆ پێدڤییێن ناڤخۆ بهێنه بكارئینان.</span></h3> <h3 style="text-align: justify;"><span style="font-size: 18pt;">مههدى محهمهدى ل دۆر زێدهبوونا بهرههمێ جۆتیارێن ههرێما كوردستانێ دیاركر، ژبهر زێدهبوونا ژمارا كۆگههێن ساركرنێ كو جۆتیاران ترسا هندێ نهمایه بهرههمێن وان نههێنه فرۆتن و تێكبچن، ههروهسا ژبهر هاتنا پێش یا كۆمپانییان و پێشهبرنا پیشهسازییا خوارنێ و هاریكاریكرنا زێدهتر یا جۆتیاران بوو ئهگهر ئهڤ ساله بهرههمێ جۆتیاران بهراورد سالا بوورى70%ێ زێده ببیت.</span></h3> <h3 style="text-align: justify;"><span style="font-size: 18pt;">فهرمانگهها میدیا و زانیارییان بهلاڤكر، زهڤییێن چاندنێ یێن دهشتا ناوكۆر ل قهزا بهردهرهش پتاتێن وێ ب باشترین جۆرێ پتاتان ل سهر ئاستێ عیراقێ و دهڤهرێ دهێنه هژمارتن.</span></h3>
