نه‌ته‌وێن ئێكگرتی: ژ ئه‌گه‌رێ كاریگه‌رییێن هشكه ‌سالییێ كۆچكرنا ب كۆم ل‌ پارێزگه‌هه‌كا عێراقێ روودایه‌

غولام محه‌مه‌د، جێگرێ هنارتییێ تایبه‌ت یێ نه‌ته‌وێن  ئێكگرتی ل‌ عێراقێ د‌ تویته‌كێ دا نڤیسایه‌: د چارچۆڤێ تیمه‌كێ نه‌ته‌وێن ئێكگرتی مه‌ چاڤ ب‌ هژماره‌كا جۆتیار و كه‌ساتی یێن‌ خۆجهێن ده‌ڤه‌رێن رومێسه‌ ل پارێزگه‌ها موسه‌ننا كه‌فت.

ناڤهاتی گۆت ژی، پارێزگه‌ها موسه‌ننا هه‌ژارترین پارێزگه‌ها عێراقێیه‌ و رێژا 52% ێ یا ئاكنجی یێن وێ ل ‌ژێر هێلا هه‌ژارییێ دانه‌، 75% ێ یا خه‌لكێ وێ ب بكارێ چاندنێ ڤه‌ د مژوولن، به‌لێ ژ به‌ر هشكه ‌سالییێ‌، زه‌ڤی یێن‌ وان یێن چاندنێ ژ 50 هزار دۆنه‌مان بۆ 10 هزار دۆنه‌مان كێمبووینه‌.

غولام محه‌مه‌د، جێگرێ هنارتییێ تایبه‌ت یێ نه‌ته‌وێن  ئێكگرتی ل‌ عێراقێ هێشتا دبێژیت، ره‌وش ب ڤه‌ ره‌نگییه‌‌‌، ل هه‌ر گاڤه‌كێ دا ئه‌گه‌رێ سه‌رهه‌لدانا كۆچكرنا ب كۆم یا وی خه‌لكی بۆ جهێن دیتر هه‌یه‌‌‌.