به‌نداڤا بێدۆهێ دێ هێته‌ سه‌خبێر كرن

ئاژانسا خانی:

فه‌رهاد محه‌مه‌د تاهر” رێڤه‌به‌رێ به‌نداڤان ل پارێزگه‌ها دهۆكێ بۆ ئاژانسا خانی دیار كر: پشتی 10 سالان ژ چێكرنا به‌نداڤا بێدۆهێ ل ده‌ڤه‌را به‌رواری بالا” كار تێدا هاتبوو راگرتن” به‌لێ ئه‌ڤ ساله‌ و ب تایبه‌تی ژی ل ڤان رۆژان كار دێ د وێ به‌نداڤێ دا ژ لایی كۆمپانییا جێبه‌جێكار هێته كرن و دیسان هه‌تا نوكه‌ ئه‌و به‌نداڤه ژ لایێ حكومه‌تێ ڤه‌ ژ به‌لێنده‌ری‌ نه‌هاتییه‌ وه‌رگرتن و پشتی كارێ سه‌خبێكرنێ ب دووماهی دهێت” د ئه‌ڤ ساله‌ دا‌ ژنوو ئه‌و به‌نداڤه‌ دێ ژ به‌لێنده‌ری هێته‌ وه‌رگرتن.

ناڤهاتی گۆت ژی: ل سالا 2014 ێ وه‌رگرتنا ده‌ستپێكی بۆ وی پرۆژه‌یی هاتبوو كرن و كه‌فتبوو د قووناغا سه‌خبێركرنێ دا” به‌لێ ژبه‌ر ره‌وشا وێ ده‌ڤه‌رێ و ئه‌گه‌رێن جۆدا كارێ سه‌خبێركرنێ ژ لایی كۆمپانییا جیبه‌جێكار هاتبوو راگرتن” د نوكه‌ دا وه‌كو قووناغا ئیكێ كار بۆ سه‌خبێركرنا وی پرۆژه‌یی دهێته‌ كرن و ئه‌وێ به‌نداڤێ شییانێن كۆگه‌هكرنا نێزیكی ( 1.8) ملیۆن مه‌ترێن سێجا یێن ئاڤێ هه‌نه‌ و دیسان ئه‌و به‌نداڤی ب كوژمێ 11 ملیار و 692 ملیۆن دیناران هاتبوو چێكرن.