<h3 style="text-align: justify;"><span style="font-size: 18pt;">سه‌رۆكا فراكسیۆنا پارتى ل په‌رله‌مانێ عیراقێ ئاماژه ب هندێ دا، حكومه‌تا هه‌رێما كوردستانێ هه‌موو ئه‌رك و به‌رپرسیاره‌تییێن خوه به‌رامبه‌ر حكومه‌تا عیراقێ یێن كو د قانوونا بودجه‌یدا هاتینه دیاركرن، بجهئیناینه، چ بهانه بۆ نه‌هنارتنا شایسته‌یێن داراییێن هه‌رێما كوردستانێ ژلایێ حكومه‌تا فیدرالیڤه نه‌ماینه.</span></h3> <h3 style="text-align: justify;"><span style="font-size: 18pt;">ڤیان سه‌برى سه‌رۆكا فراكسیۆنا پارتى دیموكراتى كوردستان ل په‌رله‌مانێ عیراقێ دیاركر، هه‌تا ئه‌ڤرۆ رێنمایێن وه‌زاره‌تا دارایى ل دۆر بجهئینانا قانوونا بودجه‌یا گشتییا فیدرالى بۆ سالێن 2023ێ، 2024 و 2025ێ نه‌هاتینه ده‌ركرن و گوت: هه‌ماهه‌نگى دناڤبه‌را وه‌زاره‌تا دارایى و لایه‌نێن په‌یوه‌ندیداردا بۆ ڤێ مه‌ره‌مێ نینه.</span></h3> <h3 style="text-align: justify;"><span style="font-size: 18pt;">سه‌رۆكا فراكسیۆنا پارتى ئاماژه ب هندێ ژى دا، ئه‌و سكالایێن ل دژى قانوونا بودجه‌ى ل دادگه‌ها بلندا فیدرالییا عیراقێ ژلایێ سه‌رۆكوه‌زیرێن عیراقێ و حكومه‌تا هه‌رێما كوردستانێ ڤه ل دژى ژماره‌یه‌كا برگه و مادده‌یێن قانوونێ هاتینه تۆماركرن، پشكه‌كا ئه‌گرێن بجهئنه‌ئینانا قانوونا بودجه‌ی نه.</span></h3> <h3 style="text-align: justify;"><span style="font-size: 18pt;">سه‌رۆكا فراكسیۆنا پارتى به‌حس ل هندێ كر، نه‌فتا هه‌رێما كوردستانێ بۆ ژ ده‌رڤه بهێته هنارتن یان نه، د قانوونا بودجه‌یا حكومه‌تا عیراقێدا هاتییه پێگیركرن پشكا هه‌رێما كوردستانێ ژ سه‌رجه‌مێ بودجه‌یا گشتى دێ 12.67%ێ بیت، حكومه‌تا عیراقێ دێ به‌رپرسیاره‌تییا نه‌فتا هه‌رێمێ هه‌لگریت، چ هنارده‌ى ده‌رڤه بكه‌ت یان ژى بۆ كاروبارێن ناڤخۆ بكاربینیت.</span></h3>
