شاندێ حکومەتا ھەرێمێ و بەغدا ڕێککەفتن
شاندێ حکومەتا هەرێما کوردستانێ ڕاگەهاند، ئەو ل گەڵ بەغدایێ ل دۆر بجهئینانا بڕگەیێن تایبەت ب ھەرێما کوردستانێ ژ یاسای بودجەیا عیراقێ گەهشتنە رێکەفتنێ.
ب ناڤێ خودێ مەزن و دلۆڤان
رۆژا چوارشەمبی ڕێکەفتی 26/7/2023 شاندێ حكومه‌تا هه‌رێما كوردستانێ گه‌هشتنه باژێرێ به‌غدایێ و ل گه‌ڵ شاندێ حكومه‌تا ئیتیحادی کۆمبوون ل دۆر بجهئینانا یاسایا بودجەی، ب مەرەما هنارتنا شایسته‌یێن دارایی یێن هه‌رێما كوردستانێ و ژ ده‌رئه‌نجامێن کۆمبوونێ، هەردوولا گه‌هشتنه رێكکەفتنێ ل سەر بجهئینانا بڕگه‌یێن تایبه‌ت ب هه‌رێما كوردستانێ ژ یاسایا بودجەی.
د وی چارچۆڤەیدا ژی کۆنڤیسەکا هەڤپشک دناڤبەرا هه‌ردوو شاندان هاتە ئیمزاکرن و بڕیارە ئێکسەر تەمویلا هه‌رێما كوردستانێ بهێتە کرن.
شاندێ حكومه‌تا هه‌رێما كوردستانێ
27/7/2023
دەمژمێر 1:30 به‌رێ سپێدێ
