<h3 style="text-align: justify;"><span style="font-size: 18pt;">وهزیرێ پهروهردێ یێ ههرێما كوردستانێ راگههاند، ئهڤ ساله نێزیكى 20 ملیۆن پهرتوكان ب كوژمێ 23 ملیار و 500 ملیۆن دیناران بۆ قوتابیان دێ هێنه چاپكرن، ئاماژه ب هندێ ژى كر، وان لێكتێگههشتن بۆ راهێنانێن مامۆستایێن ههرێما كوردستانێ دگهل چهند رێكخراوێن جیهانێ كرییه.</span></h3> <h3 style="text-align: justify;"><span style="font-size: 18pt;">ئالان حهمه سهعید وهزیرێ پهروهردهیا ههرێما كوردستانێ دپرێسكۆنفرانسهكیدا بهحسا ههماههنگى و لێكتێگههشتنێ دگهل چهند دامهزراوهیێن گرنگێن جیهانێ بۆ راهێنانپێكرنا مامۆستایان ژ وان ژى IOE ( پهیمانگهها پهروهردێ ) كو دامهزراوهیهكا بریتانیه و ئهكادیمیا ئوردن یا شاهژن رانیا بۆ راهێنانپێكرنا مامۆستایان.</span></h3> <h3 style="text-align: justify;"><span style="font-size: 18pt;">وهزیرێ پهروهردێ بهحسا گوهۆرینا پرۆگرامێن خواندنێ كر كو ل دهمێ كارێ كابینهیا نههێ یا حكومهتا ههرێما كوردستانێ پێداچوون بۆ هاتییهكرن و ئهڤ ساله ژى هندهك ژ پهرتوك و وانهیان دێ ب دیزاین و ناڤهرۆكێن نوو كهڤنه بهر دهستێن قوتابیان.</span></h3> <h3 style="text-align: justify;"><span style="font-size: 18pt;">وهكو ئالان حهمه سهعیدى گوتى : ئهڤ ساله نێزیكى 20 ملیۆن پهرتوك بۆ قوتابى و خوێندكاران دێ هێنه چاپكرن كو حكومهتا ههرێما كوردستانێ رهزامهندى ل سهر خهرجكرنا 23 ملیار و 500 ملیۆن دیناران بۆ دایه.</span></h3>
